Selvamagal Semippu Thittam: சுகன்யா சம்ரித்தி யோஜனா எனப்படும் செல்வமகள் சேமிப்பு திட்டம் தற்போது 8 சதவீத வட்டி விகிதத்தை வழங்குகிறது. ஆனால் 21 ஆண்டுகள் என்பது மிக அதிக நேரமாக பலருக்கும் தெரிகிறது. ஒரு நபருக்கு 21 ஆண்டுகளுக்கு முன் பணம் தேவைப்பட்டால், திரும்பப் பெறுவதற்கான விதிகள் என்ன என்பதை இதில் காணலாம். 


COMMERCIAL BREAK
SCROLL TO CONTINUE READING

செல்வமகள் சேமிப்பு திட்டம் என்பது பெண் குழந்தைகளின் எதிர்காலத்தைப் பாதுகாப்பதற்கான ஒரு திட்டமாகும். இது இந்திய அரசாங்கத்தால் நடத்தப்படுகிறது. இத்திட்டத்தில், 10 வயது வரை உள்ள பெண் குழந்தைகளின் பெயரில் கணக்கு தொடங்கப்படுகிறது. இத்திட்டத்தில் 15 ஆண்டுகளுக்கு டெபாசிட் செய்ய வேண்டும். ஆனால் இந்த திட்டம் 21 ஆண்டுகளுக்குப் பிறகு தன் முதிர்ச்சியடைகிறது. செல்வமகள் சேமிப்பு திட்டத்தில் ஆண்டுக்கு ரூ.250 முதல் ரூ.15,0000 வரை டெபாசிட் செய்யலாம். கூட்டு வட்டியின் பலன் இந்தத் திட்டத்தில் கிடைக்கிறது மற்றும் வட்டி ஆண்டு அடிப்படையில் கணக்கிடப்படுகிறது. 


தற்போது இத்திட்டத்தில் 8 சதவீத வட்டி பெறப்படுகிறது. இந்த திட்டத்தில் சரியான நேரத்தில் முதலீடு செய்தால், மகள் வளரும் வரை நிறைய பணம் சேர்க்கலாம். ஆனால் 21 ஆண்டுகள் என்பது மிக அதிக நேரமாக சிலரால் கருதப்படுகிறது. திட்டத்தைத் தொடங்கி 21 ஆண்டுகளுக்கு முன்பு ஒருவருக்கு பணம் தேவை என்று வைத்துக்கொள்வோம், பிறகு முன்கூட்டியே திரும்பப் பெறுவதற்கான விதிகள் என்ன? அதைப் பற்றி இங்கே தெரிந்து கொள்ளலாம்.


மேலும் படிக்க | 7th Pay Commission: ஜூலையில் ஜாலிதான்.... அதிரடி டிஏ ஹைக் நிச்சயம்.. உற்சாகத்தில் ஊழியர்கள்


திரும்ப பெறும் விதிகள்


மகளின் 10ஆம் வகுப்புக்குப் பிறகு அல்லது 18 வயதுக்குப் பிறகு கணக்கில் இருந்து திரும்பப் பெறும் வசதி உள்ளது. இந்த நிலையில், முந்தைய நிதியாண்டின் மொத்த இருப்பில் 50 சதவீதம் வரை நீங்கள் எடுக்கலாம். மகளின் மேற்படிப்புக்கான தொகையை திரும்பப் பெறுவதாக இருந்தால், மேற்படிப்புக்கான சான்று வழங்க வேண்டும். இது தவிர, பணத்தை மொத்தமாகவோ அல்லது தவணையாகவோ பெறலாம். வருடத்திற்கு ஒரு முறை மட்டுமே பணம் கிடைக்கும், அதிகபட்சம் ஐந்து ஆண்டுகளுக்கு தவணை முறையில் பணம் எடுக்கலாம்.


இந்த சூழ்நிலைகளில் முன்கூட்டியே மூடல் செய்யப்படலாம்


1. சிறுமி தனது திட்டத்தின் முதிர்வுக்கு முன்பே இறந்துவிட்டால், அவளது பெற்றோர்கள் இந்தத் திட்டத்தில் முதலீடு செய்த பணத்தை வட்டியுடன் சேர்த்துப் பெறுவார்கள். இருப்பினும், இதற்கு சிறுமியின் இறப்பு சான்றிதழை சமர்ப்பிக்க வேண்டும்.


2. இந்த கணக்கு வைத்திருக்கும் சிறுமிக்கு தீவிர நோய் இருந்தால், சிகிச்சைக்கு பணம் தேவைப்பட்டால், முன்கூட்டியே கணக்கை முடித்துவிடலாம். ஆனால் இதற்கு நீங்கள் மகளின் நோய் மற்றும் சிகிச்சை தொடர்பான ஆதாரத்தை வழங்க வேண்டியிருக்கும். ஆனால் இந்த வசதி 5 ஆண்டுகளுக்கு பிறகுதான் கிடைக்கிறது.


3. இந்த கணக்கு தொடங்கப்பட்ட பெண் குழந்தை, அவரது பெற்றோர் அல்லது சட்டப்பூர்வ பாதுகாவலர்கள் கணக்கு முதிர்ச்சியடைவதற்குள் இறந்துவிட்டால், அந்தக் கணக்கை பாதியிலேயே மூடலாம்.


4. இந்திய குடியுரிமையை நீங்கள் கைவிட்டாலும் உங்கள் கணக்கு மூடப்பட்டதாகக் கருதப்படுகிறது. இந்த வழக்கில், அனைத்து பணமும் வட்டி சேர்த்து திரும்பும். ஆனால் நீங்கள் வேறு நாட்டில் குடியேறியிருந்தால், ஆனால் இந்திய குடியுரிமையை விட்டுக்கொடுக்கவில்லை என்றால், முதிர்வு வரை இந்தக் கணக்கைத் தொடரலாம்.


மேலும் படிக்க | தனியாக வெளியூரில் குடிபெயர போகிறீர்களா? அப்போ இதையெல்லாம் மறக்காதீங்க..!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ