பாடாய் படுத்துகிறதா அதிக யூரிக் அமிலம்? இந்த வீட்டு வைத்தியங்களை பண்ணுங்க போதும்

Uric Acid Home Remedies: யூரிக் அமிலம் என்பது உடலில் உற்பத்தி செய்யப்படும் ஒரு இரசாயனமாகும், இது பியூரின்கள் உடைக்கப்படும் போது உருவாகிறது. அதாவது பியூரின்கள் சிலஉணவுகளில் அதிக அளவில் காணப்படும் சில கலவைகள். அவை உடலில் உடைந்து, சிறுநீரகங்கள் யூரிக் அமிலத்தை வடிகட்டுகின்றன. யூரிக் அமிலம் அதிகரித்தால், அது உடலின் பல்வேறு பகுதிகளுக்கு பரவத் தொடங்கிவிடுகிறது. குறிப்பாக யூரிக் அமிலத்தின் படிகங்கள் கால்விரல்களில் குவிந்து, மூட்டுகளில் வீக்கத்தை ஏற்படுத்தக் கூடும். மேலும் இந்த யூரிக் அமிலத்தால்தான் கால்விரல்கள் வீங்கி, கீல்வாதம் பிரச்னை ஏற்படுகிறது. எனவே யூரிக் அமில அளவை குறைக்க இங்கே குறிப்பிடப்பட்டுள்ள வீட்டு வைத்தியத்தை ட்ரை செய்யுங்கள்.

அதிக யூரிக் அமிலத்தை குறைப்பது எப்படி | How To Reduce High Uric Acid:
யூரிக் அமிலத்தை இயற்கையான முறையில் குறைக்க, போதுமான அளவு தண்ணீர் கட்டாயம் குடிக்க வேண்டும். அதிகளவு தண்ணீர் குடிப்பதன் மூலம் உடலில் உள்ள அழுக்கு நச்சுகள் வெளியேறி, யூரிக் அமிலம் உடலில் இருந்து வெளியேறும்.

பியூரின்கள் நிறைந்த உணவுகள் யூரிக் அமிலத்தை அதிகரிக்கச் செய்கிறது, எனவே ப்யூரின்கள் கொண்ட உணவுகளை சாப்பிடுவதை தவிர்க்க வேண்டும். குறிப்பாக மத்தி, ஆட்டிறைச்சி, உலர்ந்த பீன்ஸ், காளான்கள் மற்றும் காலிஃபிளவர் போன்றவற்றில் பியூரின்கள் நிறைந்துள்ளதால், இவற்றை தவிர்ப்பது நல்லது.

நார்ச்சத்து நிறைந்த உணவுகளை சாப்பிடுவதன் மூலம் யூரிக் அமிலத்தை குறைக்கலாம். எனவே, நல்ல அளவு நார்ச்சத்து உள்ளவற்றை உணவில் சேர்த்துக் கொள்ளுங்கள். யூரிக் அமிலத்தைக் குறைக்க ஓட்ஸ் உணவில் சேர்த்துக் கொள்ளலாம்.

சர்க்கரை நிறைந்த பொருட்களைத் தவிர்ப்பதும் முக்கியமாகும். சர்க்கரை உள்ள உணவுகள் யூரிக் அமில பிரச்சனையை அதிகரிக்கும். குறிப்பாக பேக் செய்யப்பட்ட இனிப்புப் பொருட்களைத் தவிர்ப்பது நல்லது.

ஆயுர்வேத வைத்தியம் பற்றி பேசுகையில், கிலோய் உட்கொள்வது யூரிக் அமிலத்தை குறைக்க உதவும். ஏனெனில் கிலோய் வீக்கத்தைக் குறைக்க உதவுகிறது, இதன் காரணமாக மூட்டுகளில் வீக்கம் குறையத் தொடங்கும்.

மஞ்சளில் மருத்துவ குணங்கள் நிறைந்துள்ளன. குறிப்பாக இதில் நிறைந்திருக்கும் ஆன்டி-ஆக்ஸிடன்ட்கள் மற்றும் அழற்சி எதிர்ப்பு பண்புகள் யூரிக் அமிலத்தை குறைக்கத் தொடங்கும்.

உடலில் இருந்து நச்சுகளை நீக்க திரிபலா உட்கொள்ளலாம். இது யூரிக் அமிலத்தைக் குறைக்க பெரிய அளவில் உதவும். இதற்கு நீங்கள் திரிபலா பொடி அல்லது காப்ஸ்யூல்களை உட்கொள்ளலாம்.

செலரி யூரிக் அமில அளவைக் கட்டுப்படுத்துவதில் அதிசயங்களை செய்யும் மருத்துவ குணங்கள் நிறைந்தது. யூரிக் அமிலம் அதிகமாக இருப்பவர்கள் செலரி சாப்பிடுவதன் மூலம் யூரிக் அமில அளவை எளிதில் கட்டுப்படுத்தலாம். 

பாதாம், முந்திரி போன்ற நட்ஸ் வகைகள், கீரைகள் , சிறுதானிய உணவுகள் தினமும் எடுத்து கொள்ளுங்கள்.\

(பொறுப்பு துறப்பு: அன்புள்ள வாசகரே, எங்கள் செய்திகளைப் படித்ததற்கு நன்றி. இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.)

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!