சிறுத்தை சிவா இயக்கத்தில் சூர்யா நடிப்பில் உருவாகி வரும் 'கங்குவா' படம் தற்போது இறுதிக்கட்ட படப்பிடிப்புகளை நெருங்கி உள்ளது. கிட்டத்தட்ட 300 கோடி பட்ஜெட்டில் உருவாகும் கங்குவா படம் 10 இந்திய மொழிகளில் 3டியில் வெளியாகிறது.  'கங்குவா' திரைப்படம் மூன்று வெவ்வேறு காலகட்டங்களுக்கு இடையே நடக்கும் கதை போல் உருவாகி வருகிறது.  இப்படத்தில் சூர்யா மூன்று வித்தியாசமான தோற்றங்களில் நடிக்கிறார். மேலும், பாலிவுட் நடிகை திஷா பதானி தமிழில் அறிமுகமாகும் படம் கங்குவா. தேவி ஸ்ரீ பிரசாத் இசையமைக்க, வெற்றி பழனிசாமி ஒளிப்பதிவு செய்துள்ளார். இப்படத்தில் பாபி தியோல், யோகி பாபு, கோவை சரளா, தீபா வெங்கட், ஜெகபதி பாபு ஆகியோரும் நடித்துள்ளனர். இப்படத்தின் டைட்டில் டீசரை படக்குழுவினர் முன்பே வெளியிட்டனர். அதில் சூர்யா இதுவரை இல்லாத ஒரு புதிய தோற்றத்தில் காணப்பட்டார்.  


COMMERCIAL BREAK
SCROLL TO CONTINUE READING

மேலும் படிக்க | வருங்கால கணவரின் புகைப்படங்களை பகிர்ந்த கார்த்திகா நாயர்!



மேலும், படக்குழுவினர் சமீபத்தில் சூரியாவின் புதிய போஸ்டரை வெளியிட்டனர். அதில் பழங்குடி போர்வீரன் அவதாரத்தில், வெற்றி சங்குகளை ஊதிக் கொண்டிருக்கும் வீரர்களுக்கு மத்தியில் சூர்யா இருப்பது போல் இருந்தது.  இது படத்தின் மீதான எதிர்பார்ப்பை அதிகப்படுத்தி உள்ளது.  ஸ்டுடியோ கிரீன் மற்றும் யுவி கிரியேஷன்ஸ் பேனர்களின் கீழ் கே.இ.ஞானவேல் ராஜா, வி வம்சி கிருஷ்ணா ரெட்டி மற்றும் பிரமோத் உப்பலப்டி ஆகியோர் இந்த படத்தை தயாரிக்கின்றனர்.  தற்போது, ​​'கங்குவா' படம் குறித்த முக்கிய அப்டேட் வெளியாகி உள்ளது.  கங்குவா படம் அடுத்த ஆண்டு கோடை விடுமுறையில் அதாவது ஏப்ரல் அல்லது மே மாதம் வெளியாக உள்ளது.  மேலும், 'பொன்னியின் செல்வன் மற்றும் லியோ படங்களை தொடர்ந்து கங்குவா படத்தை ஐமேக்ஸ்-ல் வெளியிட படக்குழுவினர் திட்டமிட்டு வருகின்றனர்.  ரசிகர்கள் IMAX பதிப்பை அதிகம் விரும்பி வருகின்றனர்.  மேலும் இது பாக்ஸ் ஆபிஸில் நல்ல வசூலை பெறவும் உதவும். 



கங்குவா படத்தில் வித்தியாசமான பல ஸ்டண்ட் காட்சிகள் இடம்பெற்றுள்ளன. மரக்கிளைகளின் மேல், நீருக்கடியில், மணல் நிறைந்த கடற்கரை மற்றும் படகுகளை உள்ளடக்கிய ஒரு நடுக்கடல் ஸ்டண்ட் என படம் முழுக்க சண்டை காட்சிகள் நிறைந்துள்ளது.  'கங்குவா' படத்தின் இறுதிக்கட்ட படப்பிடிப்பு தற்போது சென்னையில் மிகப்பெரிய செட் அமைக்கப்பட்டு படமாக்கப்பட்டு வருகிறது.  மேலும் சில வாரங்களில் கடைசி ஷெட்யூல் நடக்கவுள்ளது. படத்திற்கான போஸ்ட் புரடக்சன் பணிகள் தீவிரமாக நடைபெற்று வருகிறது.  முழு படத்தின் படப்பிடிப்பும் டிசம்பர் முதல் வாரங்களில் முடிக்கப்படும் என்று எதிர்பார்க்கப்படுகிறது.  


மேலும் படிக்க | வெயிட் பார்டியாக மாறிய சந்தானம்..முழு சொத்து மதிப்பு எவ்வளவு தெரியுமா?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ