சித்தார்த்தின் `சித்தா` பட ஃபர்ஸ்ட் லுக்கை வெளியிட்ட கமல்ஹாசன்

தமிழ் திரையுலகில் சாக்லேட் பாயாக இருக்கும் நடிகர் சித்தார்த், பிரம்மாண்ட இயக்குநர் ஷங்கர் இயக்கத்தின் மூலம் திரையுலகில் அறிமுகமானார். இவர் தனது முதல் படமான பாய்ஸ் திரைப்படத்தில் கதாநாயகனாக மட்டுமில்லாமல் உதவி இயக்குநராகவும் பணிபுரிந்தார். நடிகர் சித்தார்த் தற்போது "சித்தா" என்ற திரைப்படத்தில் நடித்து வருகிறார்.  இந்தப் படத்தை பண்ணையாரும் பத்மினியும், சேதுபதி உள்ளிட்ட படங்களை இயக்கிய எஸ்.யு. அருண்குமார் இயக்குகிறார்.

இந்தப் படத்தின் படப்பிடிப்பு வேலைகள் விறுவிறுப்பாக நடைபெற்று வரும் நிலையில், தற்போது இன்று நடிகர் சித்தார்த்தின் பிறந்தநாளை முன்னிட்டு இந்த படத்தின் முதல் பார்வையை நடிகர் கமல்ஹாசன் வெளியிட்டுள்ளார். மேலும் போஸ்டரை வெளியிட்ட அவர் கூறியதாவது.,

"சித்தப்பா என்பதின் சுருக்கமே சித்தா. சினிமாவை நற்திசையை நோக்கி நகர்த்தும் பல கலைஞர்களில் முக்கியமான ஒருவர் தம்பி சித்தார்த். சித்தார்த்திற்கு பிறந்த நாள் வாழ்த்துகள். இந்த திரைப்படம் நிச்சயம் நெஞ்சை தொடும் வகையில் இருக்கும்.  படம் வெற்றி பெற வாழ்த்துகள்" என கூறியுள்ளார்.

முன்னதாக நடிகர் சித்தார்த் தமிழில் கடைசியாக 2019 ஆண்டு அருவம் என்ற படத்தில் நடித்திருந்தார். அதன்படி 3 ஆண்டுகளாக எந்த படத்தில் நடிக்கவில்லை. தற்போது இவர் டக்கர், இந்தியன் 2, சித்தா ஆகிய மூன்று திரைப்படங்கள் அடுத்தடுத்த படங்களில் பிஸியாக நடித்து வருகிறார் என்பது குறிப்பிடத்தக்கது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ