தமிழ் சினிமாவின் நட்சத்திர இயக்குனர்கள் என்று சொல்லக்கூடிய மணிரத்னம், ஷங்கர், கவுதம் வாசுதேவ் மேனன், வெற்றிமாறன், லிங்குசாமி, மிஸ்கின், பாலாஜி சக்திவேல்,சசி, வசந்தபாலன்,ஏ ஆர் முருகதாஸ் மற்றும் லோகேஷ் கனகராஜ் என 11 இயக்குனர்கள் இணைந்து ரெயின் ஆன் பிலிம்ஸ் பிரைவேட் லிமிடெட் என்ற தயாரிப்பு நிறுவனத்தை தொடங்கியுள்ளனர்.  தரமான வெப்சீரிஸ் மற்றும் படங்களை இந்த தயாரிப்பு நிறுவனம் சார்பாக எடுக்க உள்ளனர்.  மேலும் இதில் உள்ள இயக்குனர்கள் அனைவருமே வேகமாக படங்களை எடுத்து முடிப்பவர்கள் என்பதால் அவர்களது இயக்கத்திலும் படம் வெளியாகும் என்று சொல்லப்படுகிறது.


COMMERCIAL BREAK
SCROLL TO CONTINUE READING


முதல் கட்டமாக லோகேஷ் கனகராஜ் இயக்கத்தில்  ரெயின் ஆன் பிலிம்ஸ் நிறுவனம் சார்பாக படம் தயாரிக்க உள்ளதாக தகவல்கள் வெளியாகி உள்ளது.  அதில் லோகேஷ் இயக்கத்தில் சூர்யா நடிக்க அதிக வாய்ப்பு உள்ளதாக கூறப்படுகிறது. தற்பொழுது லோகேஷ் கமலை வைத்து விக்ரம் என்ற படத்தை இயக்கி வருகிறார்.  இதில் விஜய் சேதுபதி, பகத் பாசில் என முன்னணி நடிகர்களும் நடிக்கின்றனர்.  இப்படத்தின் படப்பிடிப்பு சிறிது தினங்களில் காரைக்குடியில் ஆரம்பிக்க உள்ளது. 


சூர்யாவின் நடிப்பில் சமீபத்தில் நவரசா என்ற  தொடர் வெளியானது.  ஜெய்பீம் என்ற படமும் நவம்பர் மாதம் ஓடிடியில் வெளியாக உள்ளது.  தற்பொழுது பாண்டிராஜ் இயக்கத்தில் எதற்கும் துணிந்தவன் என்ற படத்தில் சூர்யா நடித்து வருகிறார்.  இதனை முடித்துவிட்டு வெற்றிமாறன் இயக்கத்தில் ஏற்கனவே அறிவிக்கப்பட்ட வாடிவாசல் திரைப்படத்திற்காக தயாராக உள்ளதாக தகவல்கள் வெளியானது.  இந்த படங்களை முடித்துவிட்டு லோகேஷ் - சூர்யா இணைவார்கள் என்று கூறப்படுகிறது.  சமீபத்தில் விஜய் வைத்து மாஸ்டர் படம் எடுத்த லோகேஷ் கனகராஜ் தற்பொழுது சூர்யாவுடன் இணைய உள்ள செய்தியை அறிந்து சூர்யா ரசிகர்கள் கொண்டாட்டத்தில் உள்ளனர். 


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூகம், வேலைவாய்ப்பு என உள்ளூர் முதல் உலகம் முழுவதும் அனைத்து வகையான செய்திகளையும் தமிழில் வாசிக்க, இப்போதே ஜீ இந்துஸ்தான் பயன்பாட்டைப் பதிவிறக்குங்கள்.


Android Link: https://bit.ly/3hDyh4G


Apple Link: https://apple.co/3loQYeR