விஜய்யின் தைரியம் எந்த நடிகருக்கும் இல்லை-ஆர்.வி.உதயகுமார் ஓபன் டாக்!

நடிகர் விஜய் புதிதாக ‘தமிழக வெற்றி கழகம்’ என்ற கட்சியை ஆரமபித்துள்ளதை தொடர்ந்து, அவருக்கு பல்வேறு அரசியல் கட்சி தலைவர்களும் சினிமா பிரபலங்களும் தங்களது ஆதரவினை தெரிவித்துள்ளனர். இந்த நிலையில், பிரபல இயக்குநர் ஆர்.வி உதயகுமார் விஜயகாந்த்திற்கு அடுத்து விஜய்க்குதான் தைரியம் இருப்பதாக பேசியுள்ளார். 

விஜயகாந்த் மறைவு:

கடந்த ஆண்டு டிசம்பர் 28ஆம் தேதி தேமுதிக தலைவரும், நடிகருமான விஜயகாந்த் காலமானார். விஜயகாந்தின் மறைவு  பெரும் துயரத்தில் தமிழக மக்களை ஆழ்த்தியது. நடிகர் விஜயகாந்த் சினிமாவில் மட்டும் இல்லாமல் அவரது அரசியல் வாழ்க்கையிலும் பல நல்லதை செய்து அரசியலில் ஒரு நீங்கா இடத்தை பிடித்தார். இவர் அரசியலில் அடுயெடுத்து வைத்த பிறகு சினிமாவில் நடிக்கவில்லை, இவரை போலவே நடிகர் விஜய் அரசியலில் வந்த பின் படத்தில் நடிக்க மாட்டேன் என கூறியதை நாம் அறிவோம்.

தமிழக வெற்றி கழகம்:

சில தினங்களுக்கு முன்பு, (பிப்ரவரி 2) நடிகர் விஜய் அவரது அரசியல் கட்சியை டெல்லி சென்று தேர்தல் ஆணையத்தில் பதிவு செய்து ‘தமிழக வெற்றி கழகம்’ என்ற அவரது அரசியல் கட்சியை அறிமுகம் செய்தார். இது மக்கள் மற்றும் ரசிகர்கள் மத்தியில் நல்ல வரவேற்பை பெற்றது.

இதை கொண்டாடும் வகையில் விஜய் மக்கள் இயக்கத்தின் சார்பாக ரசிகர்கள் அன்னதானம் வழங்கி வந்தனர். இந்த செயல் மக்கள் மத்தியில் நல்ல விதமாக பேசப்பட்டது.

இயக்குனர் ஆர்.வி.உதயகுமார் ஓபன் டாக்:

இயக்குனர் ஆர் வி  உதயகுமார் ‘இதயக்கோவில்’ திரைப்படவிழாவில் நடிகர் விஜயகாந்த் மற்றும் நடிகர் விஜயை பற்றி பேசியுள்ளார் “தமிழ்நாட்டு பொருத்தவரை நடிகர் விஜய் அரசியல் கட்சி ஆரம்பித்ததில் என்க்கு சந்தோஷம்” என அவர் கூறியுள்ளார். இதனை தொடர்ந்து நடிகர் விஜய், அரசியலுக்கு வந்த பின்னர் படத்தில் நடிக்க மாட்டேன் என கூறியதையும் இயக்குநர் ஆர்.வி உதயகுமார் பாராட்டியிருக்கிறார். மேலும், நடிகர் விஜயகாந்துக்கு பிறகு நடிகர் விஜய்க்கு மட்டும் தான் அந்த தைரியம் உள்ளது என கூறினார். இது மட்டுமல்லாமல் நடிகர் விஜயகாந்தை பற்றி பேசிய ஆர் வி  உதயகுமார் “அரசியலில் ஒரு மிக பெரிய ஆளுமைகள் ஒரு கலைஞர் கருணாநிதி,ஒரு ஜெயலலிதா இவர்களுக்கு ஈடு குடுக்க முடியவில்லை என்றாலும் அவரை ஒரு சாதாரணமான தலைவராக எடை போட்டுவிட முடியாது, அவர் ஆட்சியை பிடித்து தான் நல்லது செய்தாரா என்று பார்த்தால் இல்லை! அவர் ஆட்சியை பிடிக்காமல் நல்லது செய்த ஒரு மாபெரும் தலைவராக தான் இருதார்  விஜயகாந்த் என கூறினார்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!