முதல் சந்திப்பிலேயே முத்தாக முத்திரை பதிக்க 7 டிப்ஸ்!! உங்களை பார்த்தவுடன் பிடிச்சிரும்..

கால தாமதம் செய்யக்கூடாது:

நேர்காணலாக இருந்தாலும், உங்களுக்கு பிடித்தவரை முதன்முறையாக சந்திப்பதாக இருந்தாலும் காலதாமதம் செய்யாமல் சென்று விட வேண்டும். இது, உங்களுக்கு அவர் மீதிருக்கும் மரியாதையையும் அவர்கள் நேரத்தை வீணடிக்க கூடாது என்று யோசிப்பதையும் காட்டுகிறது. 

ஆடை:

செல்லும் இடத்திற்கு ஏற்றவாறு உடை உடுத்துவது மிகவும் அவசியம். அது, உங்கள் மீதான நல்ல அபிப்ராயத்தை ஏற்படுத்தும். 

உண்மையாக சிரிக்க வேண்டும்:

ஒருவரை முதன் முறையாக பார்க்கும் போது, அவர்கள் ஏதாவது கூறும் போது உண்மையாக சிரிக்க வேண்டும். 

உடல் மொழி:

உங்கள் உடல் மொழி, பாசிடிவாக இருக்க வேண்டும். ஒருவரிடம் முதல்முறையாக பேசும் போது கண்ணோடு கண் பார்த்து பேச வேண்டும். கால்களை ஆட்டுவது, கைகளை கட்டிக்கொள்வது போன்ற விஷயங்களை செய்யக்கூடாது.

கேட்பது:

பிறர் பேசுகையில் அவர்கள் பேசுவதை காது குடுத்து முழு கவனத்துடன் கேட்க வேண்டும்  செல்பேசியை பார்த்துக்கொண்டு, வேறு வேலைகளை பார்த்துக்கொண்டு இருக்க கூடாது. 

தெளிவாகவும் தைரியமாகவும் பேச வேண்டும்:

நீங்கள் கூற வரும் விஷயத்தை, தெளிவாகவும் தைரியமாகவும் பேச வேண்டியது மிகவும் முக்கியம். அப்போதுதான் உங்கள் மீது அவர்களுக்கு நம்பிக்கை உருவாகும். 

நேர்மையாக இருக்க வேண்டும்:

முதல் சந்திப்பில் நீங்கள் எந்த இடத்திலாவது உண்மையாக இல்லை என்று தெரிந்து விட்டால், உங்கள் மீதான நம்பிக்கை ஒருவருக்கு கெட்டுப்போய் விடும். எனவே அவரை கவர வேண்டும் என்பதற்காக பொய்யாக இருக்க வேண்டாம்.