கமல்ஹாசன் நடிக்கும் தக் லைஃப் படப்பிடிப்பில் விபத்து! முக்கிய நடிகர் காயம்!

கிட்டத்தட்ட 30 வருடங்களுக்கு பிறகு மணி ரத்னம் இயக்கத்தில் உலக  நாயகன் கமல் ஹாசன் நடித்து வருகிறார். இந்த படத்தின் அறிவிப்பு வெளியானதில் இருந்தே எதிர்பார்ப்பு அதிகளவில் உள்ளது.

தக் லைஃப் படத்தில் கமல்ஹாசன் முக்கிய கதாபாத்திரத்தில் நடிக்க சிம்பு, திரிஷா, ஜோஜு ஜார்ஜ், அசோக் செல்வன் உள்ளிட்டோர் நடித்து வருகின்றனர்.

பல்வேறு இடங்களில் நடைபெற்று வரும் தக் லைஃப் படத்தின் படப்பிடிப்பு தற்போது 50% சதவீதத்திற்கு மேல் முடிவடைந்துள்ளது. 

இந்நிலையில், தக் லைஃப் திரைப்படத்தில் முக்கிய கதாபாத்திரத்தில் மலையாள நடிகர் ஜோஜு ஜார்ஜ் நடித்து வருகிறார். வில்லன் கதாபாத்திரத்தில் நடித்து வருகிறார் என்று கூறப்படுகிறது.

தக் லைஃப் படப்பிடிப்பு தளத்தில் முக்கியமான காட்சி எடுத்து கொண்டிருக்கும் போது இவருக்கு விபத்து ஏற்பட்டுள்ளது. தற்போது நடக்க முடியாமல் கட்டுபோட்டுள்ள புகைப்படம் வெளியாகி உள்ளது. 

ஜோஜு ஜார்ஜ் தனுஷ் நடிப்பில் வெளியான ஜகமே தந்திரம் படத்தில் நடித்திருந்தார். மேலும் நிறைய மலையாள படத்திலும் இவர் நடித்துள்ளார்.