Guess Who? முகத்தை பாஸ்போர்ட்டால் மறைத்த நாயகி! யாரென்று தெரிகிறதா?

இந்த நடிகை, முகத்தை பாஸ்போர்ட்டால் மறைத்து போட்டோ எடுத்து பதிவிட்டுள்ளார். இதுதான் தற்போது இணையத்தில் வைரலாகி வருகிறது. இவர் யார்? 

அந்த நடிகை வேறு யாருமில்லை, நம்ம ‘வாரிசு’ பட நடிகை ராஷ்மிகா மந்தனாதான். இவர், தென்னிந்திய அளவில் மிகப்பெரும் நடிகையாக வலம் வந்து கொண்டிருக்கிறார். 

ராஷ்மிகா, கன்னட படமான கிரிக் பார்டி என்ற படம் மூலம் திரையுலகிற்குள் அறிமுகமானார். தொடர்ந்து அர்ஜுனா புத்ரா, சமக் உள்ளிட்ட படங்களிலும் நடித்தார்.

ராஷ்மிகாவிற்கும் கன்னட நடிகர் ரக்‌ஷித் ஷெட்டிக்கும் திருமண நிச்சயதார்த்தம் நடைப்பெற்றது. ஆனால், இருவரும் திருமணம் செய்து கொள்ள வேண்டாம் என முடிவெடுத்து பிரிந்து விட்டனர். 

ராஷ்மிகா, தற்போது விஜய் தேவரகொண்டாவை காதலித்து வருவதாக கூறப்படுகிறது. இவர்கள் இருவரும் கீதா கோவிந்தம் மற்றும் டியர் காமரேட் உள்ளிட்ட படங்களில் ஒன்றாக நடித்தனர். 

ராஷ்மிகா மந்தனா சமீபத்தில் கதாநாயகியாக நடித்திருந்த படம், அனிமல். இந்த படத்தில் அவர் கீதாஞ்சலி என்ற கதாப்பாத்திரத்தில் நடித்திருந்தார். இவரது கதாப்பாத்திரத்திற்கு இந்திய அளவில் நல்ல வரவேற்பு கிடைத்தது. 

ராஷ்மிகா, தற்போது ஒரு படத்தில் நடித்து வருகிறார். அந்த படத்தில் இவர் வித்தியாசமான தோற்றத்தில் இடம் பெற்றுள்ளதாகவும், அதனால் இவரது தற்போதைய தோற்றத்தை எந்த சமூக வலைதளத்திலும் பதிவிட முடியாது என்றும் தெரிவித்துள்ளார். அவர், இன்ஸ்டாகிராம் பக்கத்தில் தான் இத்தாலிக்கு செல்வதாக தெரிவித்துள்ளார்.