பிரம்மாண்ட செட்; அசத்தலான பிக்பாஸ் சீசன் 5 ஹவுஸ் போட்டோஸ் வெளியீடு

Bigg Boss Tamil Season 5: தனியார் தொலைகாட்சியில் ஒளிபரப்பான பிக் பாஸ் (Bigg Boss Tamil) நிகழ்ச்சியின் 4 சீசன்களும் ரசிகர்கள் மத்தியில் பெரும் வரவேற்பைப் பெற்றது. பிக் பாஸ் நிகழ்ச்சியின் 4 சீசன்களையும் நடிகர் கமல்ஹாசன் (Kamalhaasan) தொகுத்து வழங்கினார். 

தற்போது பிக் பாஸ் நிகழ்ச்சியின் 5 வது (Bigg Boss Tamil) சீசன் இன்று முதல் பிரம்மாண்டமாக தொடங்குகிறது. இந்த நிகழ்ச்சியில் பங்கேற்கும் போட்டியாளர்கள் குறித்த விவரங்களை அவ்வப்போது வெளியாகி வருகிறது. மேலும் இந்த நிகழ்ச்சி தொடர்பாக அவ்வப்போது புரோமோக்கள் வெளியாகி வந்தது. அப்படி முதல் புரோமோவில் பிக் பாஸ் சீசன் 5 லோகோவை அறிமுகம் செய்து வைத்தார் கமல்ஹாசன் (Kamalhaasan).

மாலை 6 மணிக்கு துவங்கும் இந்நிகழ்ச்சி இரவு 11 மணி வரை நடைபெற உள்ளது. மேலும் நேற்று, பிக்பாஸ் துவக்க விழாவிற்கான ஷுட்டிங் நடத்தி முடிக்கப்பட்டுள்ளது. இதன் அடிப்படையில் இறுதி போட்டியாளர்கள் பட்டியல் வெளியாகி வருகிறது.

பிக்பாஸ் சீசன் 5 தொடருக்கான போட்டோஸ் வெளியாகி இருக்கிறது. இந்த சீசனுக்கான வீடு எப்படி இருக்கும் என்ற போட்டோஸ் வெளியாகி உள்ளது.

மிகவும் பிரம்மாண்டமாக, புதிய தோற்றத்தோடு இந்த பிக்பாஸ் செட் இந்த முறை கட்டப்பட்டு உள்ளது. ஒவ்வொரு முறையும் இந்த வீடு ஒரு தீமை மையமாக வைத்து வடிவமைக்கப்படும். இந்த முறை முழுக்க முழுக்க பசுமையை மையமாக வைத்து பச்சை நிறத்தில் வெளிப்பகுதியான கார்டன் ஏரியா வடிவமைக்கப்பட்டுள்ளது.

கன்ஃபெஷன் அறையில் இந்த முறையில் நீல நிற சோஃபா அமைக்கப்பட்டு உள்ளது. அதோடு பின்பக்கம் மிகப்பெரிய பீனிக்ஸ் பறவை இறக்கை அமைக்கப்பட்டுள்ளது. இந்த முறை வீடு முழுக்க பல இடங்களில் பீனிக்ஸ் பறவை இறக்கைகள் இடம் பெற்று இருப்பது குறிப்பிடத்தக்கது.

அதிசயமாக அண்டர் கிரவுண்ட் படுக்கை அறை ஒன்றும் இங்கே இடம்பெற்று இருக்கிறது. பெரும்பாலும் போட்டியின் போது பனிஷ்மென்ட் பெறும் நபர்கள் இங்கே தூங்க வைக்கப்பட வாய்ப்புகள் உள்ளன.