இனி டேட்டா முடிந்தாலும் பிரச்னையில்லை... 23 ரூபாயில் நச் ரீசார்ஜ் திட்டம் - முழு விவரம்

வோடபோன் ஐடியா (Vi) இந்திய தொலைத்தொடர்பு துறையில் மூன்றாவது பெரிய தொலைத்தொடர்பு நிறுவனமாகும். சந்தையில் முன்னணியில் வரும் வகையில் அதிகளவில் வாடிக்கையாளர்களை ஈர்க்க அதற்கேற்ற பல சிறப்பு ப்ரீபெய்ட் திட்டங்களை கொண்டுவந்துள்ளது.

அந்த வகையில், வோடபோன் ஐடியா அதன் ப்ரீபெய்ட் வாடிக்கையாளர்களுக்கு மற்றொரு மலிவான ரீசார்ஜ் திட்டத்தை அறிமுகப்படுத்தி உள்ளது. சிறப்பு திட்டம் ஒன்றையும் கொண்டு வருகிறது.

இந்த திட்டத்தின் விலை வெறும் ரூ.23. இந்த ரூ.23 திட்டத்தில் பயனர்கள் என்னென்ன நன்மைகளைப் பெறுவார்கள் என்பதை இதில் காணலாம். 

இது வோடபோன் ஐடியாவின் புதிய டேட்டா திட்டமாகும், இது பயனர்களின் கூடுதல் டேட்டா தேவைகளை பூர்த்தி செய்ய உதவுகிறது. இந்த ரூ.23 திட்டம் பயனர்களுக்கு 1.2ஜிபி டேட்டாவை வழங்குகிறது. அதன் வேலிடிட்டி ஒரு நாளாகும் (24 மணிநேரம்).

வோடபோன் ஐடியாவில் ரூ.19 டேட்டா திட்டம் ஏற்கனவே உள்ளது, இதில் பயனர்களுக்கு 1 ஜிபி டேட்டா 24 மணிநேர வேலிடிட்டியுடன் வழங்கப்படுகிறது. புதிய திட்டம் ரூ.4 கூடுதலாக செலுத்துவதன் மூலம் பயனர்களுக்கு 200MB கூடுதல் டேட்டாவை வழங்கப்படுகிறது.

ரூ.19 டேட்டா திட்டம், ரூ.23 டேட்டா திட்டம் போன்ற Addon திட்டங்களை பயன்படுத்த நீங்கள் அடிப்படை பிளானை கொண்டிருக்க வேண்டும்.

இதுமட்டுமின்றி ரூ.24 சிறப்பு டேட்டா திட்டத்தையும் வோடபோன் ஐடியா கொண்டு வர உள்ளது. இதில் ஒரு மணிநேரத்தில் பயனர்கள் அன்லிமிடெட் டேட்டாவை பயன்படுத்திக்கொள்ளலாம்.