விரைவில் மூடப்படும் சென்னையின் பிரபல திரையரங்கம்! ரசிகர்கள் சோகம்!

சென்னையின் மிகவும் பிரபலமான திரையரங்காக இருந்து வந்தது உதயம் தியேட்டர். அசோக் நகரில் இயங்கி வரும் இந்த தியேட்டரில் மொத்தம் ஐந்து திரைகள் உள்ளது.

சென்னையில் வாழும் நடுத்தர குடும்பத்தினர் குறைந்த விலையில் படம் பார்த்துவிட்டு வீடு திரும்ப ஏற்ற திரையரங்கமாக இருந்து வந்தது. ஏனெனில் இங்கு பார்க்கிங், உணவுகள் குறைந்த விலையில் கிடைக்கும்.

இந்நிலையில் தற்போது மல்டிபிளக்ஸ் திரையரங்குகளில் எண்ணிக்கை அதிகரித்துள்ளதாலும், ஓடிடி தளங்களின் வளர்ச்சி அதிகரித்துள்ளதாலும் திரையரங்கிற்கு வரும் மக்களின் கூட்டம் குறைந்து வருகிறது.

இதன் காரணமாக தமிழகம் முழுவதும் பல திரையரங்குகள் மூடப்பட்டுள்ளன, இந்நிலையில் உதயம் தியேட்டர் அந்த லிஸ்டில் இணைந்துள்ளது.

ஒரு பிரபல தனியார் நிறுவனம் இந்த இடத்தை வாங்கி உள்ளதாகவும், இங்கு வணிக வளாகம் அல்லது பிளாட்டுகள் கட்ட வாய்ப்புள்ளதாகவும் கூறப்படுகிறது.