மிக மிக ஆபத்தான நாய்கள் இவை!

ரோட்வீலர் உலகின் மிகவும் ஆபத்தான நாய் இனங்களில் ஒன்றாகும். இந்த நாயின் உடல் தடிமனாகவும், தாடைகள் மிகவும் சக்தி வாய்ந்ததாகவும் இருக்கும். இந்த இனத்தின் நாய்களுக்கு மற்ற நாய்களை பிடிக்கவே பிடிக்காது. ரோட்வீலர்கள் சிறிய ஆபத்தை உணர்ந்தாலும், தாக்குவதற்கு தொடங்கிவிடும். கோபம் வந்துவிட்டால், யாரையும் தாக்குவதற்கு துளியும் தாமதிக்காது.

உலகில் உள்ள நாய்களில் மிகவும் ஆபத்தான இனங்களில் ப்ரெசா கனாரியோவும் ஒன்று. ஆப்பிரிக்காவில் காணப்படும் இந்த வகை நாய்களின் எடை மனிதர்களின் எடைக்கு சமம். இது 60 கிலோ வரை இருக்கும். அவை மிகவும் ஆபத்தானதாகக் கருதப்படுகின்றன. யாரையாவது தாக்கினால், தப்பிப்பது மிகவும் கடினம்.

அடுத்ததாக, உலகின் மிகவும் ஆபத்தான நாய்களில் பிட்புல்ஸும் ஒன்று. பிட்புல் இன நாய்கள் ஆக்ரோஷமான அணுகுமுறைக்கு பெயர் பெற்றவை. இவை மிகவும் ஆபத்தானவை. இந்த இன நாய்களை நம்புவது சரியல்ல. இருப்பினும், தங்கள் உரிமையாளர்களுடன் விசுவாசமாகவும், நட்பாகவும், நம்பிக்கையுடனும் இருக்கும். ஆனால், எப்போது தாக்கும் என்றெல்லாம் கூறவே முடியாது. 

இந்த நாய் இனம் ஜெர்மனியைச் சேர்ந்தது. பெரும்பாலான மக்கள் ஜெர்மன் ஷெப்பர்டை விரும்புகிறார்கள். இந்த இனத்தின் நாய்கள் தங்கள் வலிமை மற்றும் அச்சமின்மைக்காக உலகம் முழுவதும் அறியப்படுகின்றன. ஜெர்மன் ஷெப்பர்ட்கள் நட்பாக இருப்பது போலவே, ஆபத்தானவையும் கூட. சிறிய ஆபத்தைக் உணர்ந்தாலும் தாக்க ஆரம்பித்துவிடும். மிகவும் சுறுசுறுப்பாகவும், வேகமாகவும் இருக்கும்.

சீனாவில் காணப்படும் சவ்-சவ் நாய்கள் தோற்றத்தில் மிகவும் அமைதியானவை. ஆனால் இந்த இனத்தின் நாய்கள் மிகவும் ஆபத்தானவை. இதுவும் உலகின் மிகவும் ஆபத்தான நாய்களில் ஒன்றாகும். அவற்றின் சம்மதமின்றி யாரும் அருகில் செல்ல முடியாது. மீறினால் உங்கள் நிலைமை கஷ்டம் தான்.