இரவில் இந்த அறிகுறிகள் இருந்தால் ஜாக்கிரதை!! கல்லீரல் பாதிப்பாக இருக்கலாம்
பெரும்பாலான மக்கள் கல்லீரல் தொடர்பான சில பிரச்சனைகளால் சிரமப்படுவதற்கு தவறான ஆரோக்கியமற்ற்ற பழக்கவழக்கங்களே காரணமாகும்.
கல்லீரல் பாதிப்பின் சில அறிகுறிகள் இரவில் தெரியும். இந்த அறிகுறிகள் சரியான நேரத்தில் கண்டறியப்பட்டால், கல்லீரலை சேதமடையாமல் பாதுகாக்கலாம்.
சில வகையான கல்லீரல் தொடர்பான பிரச்சனையால் தோலில் அரிப்பு ஏற்படும். இரவில் அரிப்பு இருந்தால், கவனமாக இருக்க வேண்டும். ஏனெனில் இரவில் அரிப்பு மற்றும் எரியும் உணர்வு போன்ற அறிகுறிகள் கல்லீரல் தொடர்பான பிரச்சனைகளின் அறிகுறிகளாக இருக்கலாம். ஆகையால் அரிப்பு இருந்தால், அதைப் புறக்கணிப்பதற்குப் பதிலாக, ஒரு மருத்துவரை அணுக வேண்டும்.
கல்லீரலில் ஏதேனும் பிரச்சனை ஏற்பட்டாலோ அல்லது கல்லீரல் பழுதடைந்து விட்டாலோ, அது பலவீனமடையத் தொடங்கும். இரவில், உடலின் இரத்தத்தின் பெரும்பகுதி கல்லீரலில் சேரத் தொடங்கும் போது, அதன் அளவு அதிகரிக்கத் தொடங்குகிறது மற்றும் அழுத்தம் அதிகரிக்கிறது. அத்தகைய சூழ்நிலையில், கல்லீரலில் வலி தொடங்குகிறது. இது ஒரு முக்கிய அறிகுறியாகும்.
கல்லீரல் தொடர்பான பிரச்சினைகள் உள்ளவர்கள் பெரும்பாலும் குமட்டல் போன்ற அறிகுறிகளை உணர்கிறார்கள். பகலில் உடல் செயல்பாடு இல்லாததாலும் இதுபோன்ற பிரச்சினைகள் ஏற்படலாம். ஆனால் இந்த அறிகுறிகள் இரவில் காணப்பட்டால், ஒருவர் எச்சரிக்கையாக இருக்க வேண்டும்.
உங்கள் சிறுநீரின் நிறம் மாறினால் அது கல்லீரல் தொடர்பான நோய்களின் அறிகுறியாக இருக்கலாம். கல்லீரல் பாதிப்பு காரணமாக பிலிரூபின் அளவு திடீரென அதிகரிக்கிறது. இதன் காரணமாக சிறுநீரகத்தில் சுரக்க ஆரம்பிக்கிறது. இதன் காரணமாக சிறுநீரின் நிறம் மாறுகிறது. இது இரவில் நடந்தால் மிகவும் ஆபத்தானது, ஏனெனில் இரவில் கல்லீரலில் அழுத்தம் அதிகரிக்கும் வாய்ப்பு உள்ளது.
கல்லீரல் பாதிப்பின் தொடக்கத்தில் பாதங்கள் மற்றும் கணுக்கால் வீக்கம் ஏற்படலாம். இந்த அறிகுறிகள் இரவில் தோன்றினால், ஒருவர் எச்சரிக்கையாக இருக்க வேண்டும். ஏனென்றால் கல்லீரலில் இரத்த செறிவு இரவில் அதிகரிக்கிறது. அழுத்தம் காரணமாக, கல்லீரல் அதிகமாக பாதிக்கப்படலாம்.
இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.