கவுதம் கம்பீருக்கு பிசிசிஐ வைத்த செக்! இனி ஒன்றும் செய்ய முடியாது!

இந்திய அணி நியூசிலாந்திற்கு எதிரான 3வது டெஸ்ட் போட்டியிலும் தோல்வியடைந்து ஒயிட்வாஷ் ஆகியுள்ளது. 12 ஆண்டுகளுக்கு பிறகு சொந்த மண்ணிலேயே டெஸ்ட் தொடரை இழந்துள்ளது.    

இந்த டெஸ்ட் தொடரின் தோல்விக்குப் பிறகு தலைமைப் பயிற்சியாளர் கவுதம் கம்பீரின் செயல்பாடுகளும் பிசிசிஐயின் சோதனையில் இடம் பெற்றுள்ளது. இதனால் தற்போது சிக்கலில் உள்ளார்.

ஜூலை மாதம் தலைமை பயிற்சியாளராக நியமிக்கப்பட்ட கம்பீர், இலங்கைக்கு எதிரான ஒருநாள் தொடரை இழந்தார். அதன் பிறகு தற்போது நியூசிலாந்து டெஸ்ட் தொடரை இழந்துள்ளார். 

கம்பீரின் எதிர்காலம் ஆஸ்திரேலியா சுற்றுப்பயணத்தை பொறுத்து அமையும் என்று பிசிசிஐ வட்டாரங்கள் தெரிவிக்கின்றன. ஒருவேளை அந்த தொடரையும் இழந்தால் அவர் நீக்கப்பட வாய்ப்புள்ளது.

ஆஸ்திரேலியாவிற்கு சுற்றுப்பயணம் மேற்கொள்ளும் இந்திய அணி ஐந்து டெஸ்ட் போட்டிகளில் விளையாடுகிறது. உலக டெஸ்ட் சாம்பியன்ஷிப் இறுதி போட்டிக்கு தகுதி பெற இந்த தொடர் மிகவும் முக்கியம்.

தற்போது WTC புள்ளி பட்டியலில் 2வது இடத்தில் உள்ளது இந்தியா. இறுதி போட்டிக்கு தகுதி பெறவில்லை என்றால், கம்பீரின் அதிகாரம் கட்டுப்படுத்தலாம் அல்லது அவர் நீக்கப்படலாம் என்றும் கூறப்படுகிறது.