GOAT படத்திற்கு ஆடியோ லான்ச் இல்லை! விஜய்யின் புதிய திட்டம்!

லியோ படத்திற்கு பிறகு விஜய் நடித்து வரும் படம் கோட் (GOAT). இந்த படத்தை வெங்கட் பிரபு இயக்கி வருகிறார். நீண்ட ஆண்டுகளுக்கு பிறகு யுவன் சங்கர் ராஜா விஜய் படத்திற்கு இசையமைத்துள்ளார். 

ஏஜிஎஸ் என்டர்டைன்மென்ட் நிறுவனம் தயாரிக்கும் இந்த GOAT படம் வரும் செப்டம்பர் மாதம் 5ம் தேதி திரையரங்குகளில் வெளியாகியுள்ளது. இதற்கான பணிகள் விறுவிறுப்பாக நடைபெற்ற வருகிறது.

GOAT படத்திலிருந்து இதுவரை இரண்டு பாடல்கள் வெளியாகி உள்ளது. மேலும் மூன்றாவது பாடல் இன்று மாலை வெளியாக உள்ளது. நேற்று புரமோ வெளியானது.

இந்நிலையில் ஆகஸ்ட் மாதம் 19ஆம் தேதி GOAT படத்தின் டிரைலர் வெளியாக உள்ளது என்று கூறப்படுகிறது. மற்ற படங்களைப் போல GOAT படத்திற்கு ஆடியோ லான்ச் நிகழ்ச்சி எதுவும் நடைபெறாது என்று கூறப்படுகிறது. 

தமிழக வெற்றி கழகம் என்ற கட்சியை தொடங்கிய விஜய் இந்த மாதம் கட்சியின் கொடியை அறிவிக்க உள்ளதால் GOAT படத்தின் ஆடியோ லான்ச் நிகழ்ச்சியில் கலந்து கொள்ள முடியாத சூழ்நிலை ஏற்பட்டுள்ளது. 

GOAT படத்திற்கு பிறகு முழு நேர அரசியல்வாதியாக மாற உள்ள விஜய், அதற்கு முன்பு ஒரு படத்தில் மட்டும் நடிக்க உள்ளார். அந்த படத்தை எச் வினோத் இயக்க உள்ளார்.