Hardik Pandya Net Worth: ஹர்திக் பாண்டியாவின் சொத்து மதிப்பு எவ்வளவு தெரியுமா?

கிரிக்கெட் வீரர் ஹர்திக் பாண்டியா இந்திய அணியில் முக்கியமான வீரராக உள்ளார். வரும் காலத்தில் அனைத்து வடிவத்திலும் கேப்டனாகும் வாய்ப்பும் அவருக்கு உள்ளது. 

சமீபத்தில் நடந்த ஐபிஎல் 2024 தொடரில் இருந்து ஹர்திக் ரசிகர்களிடையே பேசுபொருளாகி உள்ளார். ஹர்திக் பாண்டியாவின் தோற்றம், ஸ்டைல் ​​என அனைத்தும் சமீபத்தில் கிண்டலுக்கு உள்ளானது.  

ஹர்திக்கின் மொத்த சொத்து மதிப்பு சுமார் ரூ.91 கோடி என தகவல் வெளியாகி உள்ளது. கிரிக்கெட் மூலம் வரும் வருமானத்தை தவிர விளம்பரம் மற்றும் பிராண்ட் புரமோஷன் மூலமும் நல்ல தொகையை பெறுகிறார்.

பிசிசிஐ மத்திய ஒப்பந்தத்தில் ஹர்திக் கிரேடு-ஏவில் இடம் பெற்று ஆண்டுக்கு ரூ.5 கோடி சம்பளம் பெறுகிறார். மேலும் ஐபிஎல் மூலமாக இன்னும் அதிகமாக சம்பாதிக்கிறார். 

குஜராத் டைட்டன்ஸ் அணிக்காக விளையாடிய சமயத்தில் அவருக்கு ஒரு ஆண்டுக்கு ரூ. 15 கோடி சம்பளம் கொடுக்கப்பட்டது. சிறிய குடும்பத்தில் இருந்து வந்த ஹர்திக் தற்போது ஆடம்பரமான வீடுகள் மற்றும் கார்கள் வைத்துள்ளார்.

மும்பை பாந்த்ராவில் 30 கோடி மதிப்புள்ள வீடு ஹர்திக் பாண்டியாவிடம் உள்ளது. மேலும் பல சொகுசு கார்களும் வைத்துள்ளார். 

ஆடி ஏ6, ரேஞ்ச் ரோவர் வோக், ஜீப் காம்பஸ், மெர்சிடிஸ் ஜி வேகன், ரோல்ஸ் ராய்ஸ், லம்போர்கினி ஹுராகன் ஈபிஓ, போர்ஸ் கேயென் போன்ற சொகுசு கார்களை ஹர்திக் பாண்டியா வைத்துள்ளார்.