Heart Blockage: ‘இந்த’ பிரச்சனைகள் இருக்கா... இதயத்தில் அடைப்பு இருக்கலாம்!
இதயத்தில் அடைப்பு ஏற்படுவதால் தலைசுற்றல் என்பது ஒரு பொதுவான பிரச்சனை. இதில் தலை சுற்றுவது போலவும், பிறகு எந்த வேலையிலும் கவனம் செலுத்த முடியாமல் போவதாகவும் உணரலாம். இதனை அலட்சியப்படுத்தாமல் உடனடியாக மருத்துவரை அணுகவும். இல்லையெனில் நிலைமை ஆபத்தானதாக மாறலாம்.
பொதுவாக நமது இதயம் ஒரு நிமிடத்தில் 70 முதல் 100 முறை துடிக்கும், ஆனால் இந்த இதயத்துடிப்பு 40க்கு குறைவாக இருந்தால், உடலில் ரத்தம் மற்றும் ஆக்ஸிஜன் பற்றாக்குறை ஏற்பட்டு பின்னர் பலவீனம் மற்றும் மயக்கம் ஏற்படும், ஏனெனில் உடலுக்குத் தேவையான ஆற்றல் கிடைக்காது.
நமது இதயத் துடிப்பு சாதாரண விகிதத்தை விட மிகவும் குறைவாக இருந்தால், சுவாசிப்பதில் சிரமம் ஏற்படும். இதுபோன்ற சூழ்நிலையில், பாதிக்கப்பட்டவர்களை விரைவில் மருத்துவமனைக்கு அழைத்துச் சென்று சிகிச்சை அளிக்கவும், இல்லையெனில் நிலைமை மோசமடையக்கூடும்.
அடைப்பு காரணமாக ஏற்படும் பெரும்பாலான இதய நோய்களில் மார்பு வலி பொதுவானது. இத்தகைய மருத்துவ நிலையை எதிர்கொள்ளும் போது, பீதி அடைவதற்குப் பதிலாக, அமைதியாக நிலைமையை கையாளுங்கள், உடனடியாக இருதயநோய் நிபுணரைத் தொடர்பு கொள்ளுங்கள்.
உங்கள் இதயத் துடிப்பின் வேகம் சரியாக இல்லாமலும், உடலுக்குத் தேவையான ஆக்ஸிஜன் கிடைக்காமலும் இருந்தால், நீங்கள் உடல் பயிற்சி செய்யும் போது சிக்கல்களைச் சந்திக்க நேரிடும். குறிப்பாக நீங்கள் சாதாரண உடற்பயிற்சியை கூட சரியாக செய்ய முடியாத நிலை இருக்கும்.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்ளும் முன் மருத்துவ ஆலோசனையைப் பெற வேண்டும். ZEE NEWS இதற்கு பொறுப்பேற்காது.)