70:20:10 சூத்திரம் எப்படி SIP முதலீடுகளை பங்குச்சந்தையில் ஏற்றத்தாழ்வுகளை சீர்செய்கிறது?

சிறிய, நடுத்தர மற்றும் பெரிய தொப்பிகள் உட்பட அனைத்து பரஸ்பர நிதிகளும் SIP கள் மூலம் முதலீடுகளை வழங்குகின்றன. ஆனால் சிஸ்டமேடிக் இன்வெஸ்ட்மென்ட் பிளான் எனபப்டும் SIPகளும் சந்தையுடன் இணைக்கப்பட்டுள்ளன என்பதும் வருமானத்திற்கு 100 சதவீத உத்தரவாதம் கொடுப்பதில்லை என்பது குறிப்பிடத்தக்கது

SIP முதலீட்டின் மூலம் மியூச்சுவல் ஃபண்டுகளில் உங்கள் சந்தை அபாயத்தை பெருமளவுக்குக் குறைக்கக்கூடிய ஒரு ஃபார்முலா உள்ளது. அதைப் பற்றித் தெரிந்துக் கொள்ளுங்கள்  

உறுதிப்படுத்தப்பட்ட வெற்றியைக் கொடுக்கும் அந்த சூத்திரம், உங்கள் முதலீடுகளை கிட்டத்தட்ட பாதுகாப்பாக வைத்திருக்கவும் இழப்புகளிலிருந்தும் உங்களைக் காப்பாற்றவும் உதவும்.

SIP முதலீட்டாளர்கள் 70:20:10 விதியைப் பின்பற்ற வேண்டும் என்று நிதித்துறை நிபுணர்கள் அறிவுறுத்துகின்றனர்.  70:20:10 என்பதன் பொருள், ஒருவர் தங்கள் முதலீட்டில் 70 சதவீதத்தை பெரிய கேப் பங்குகளிலும், 20 சதவீதத்தை மிட் கேப்க்கும், 10 சதவீதத்தை ஸ்மால் கேப் மியூச்சுவல் ஃபண்டுகளுக்கும் ஒதுக்க வேண்டும்.

பெரிய கேப்கள், நிதி ரீதியாக வலுவான மற்றும் நிலையான நிறுவனங்களுக்கு சொந்தமானவை என்பதால், நடுத்தர கேப் பங்குகளுடன் ஒப்பிடுகையில் அவை சந்தை ஏற்ற இறக்கங்களுக்கு ஏற்ப குறைவாகவே மாற்றங்களை காண்கின்றன

ஸ்மால் கேப்கள் சந்தை ஏற்ற இறக்கங்களுக்கு மிகவும் பாதிக்கப்படக்கூடியவை, சந்தை மாறும்போது துரிதமாக மாறக்கூடியவை. எனவே, 70:20:10 விதியின்படி, ஒருவர் பெரிய கேப்களில் 70 சதவிகிதம், நடுத்தர பங்குகளுக்கு 20 மர்றும் எஞ்சிய 10 சதவிகிதத்தை சிறிய கேப்களிலும் முதலீடு செய்ய வேண்டும். அப்படிச் செய்தால் சந்தை வீழ்ச்சியடைந்தால் அவர்கள் பணத்தை இழக்கும் வாய்ப்பு குறைவாக இருக்கும்

இப்படி பிரித்து முதலீடு செய்யும் முறையின்படீ முதலீடு செய்தால், சந்தை எதிர்மறையாக மாறினாலும், அவர்கள் SIP மூலம் சரிவின் போது அதிக NAVகளை வாங்கலாம், இது சந்தை மீண்டவுடன், நஷ்டத்தை சீர் செய்துவிடும். இப்படித்தான் 70:20:10 விதி உங்கள் மியூச்சுவல் ஃபண்ட் போர்ட்ஃபோலியோவை பெருமளவு பாதுகாப்பாகவும், சந்தை ஏற்ற இறக்கங்களிலிருந்து விலக்கி வைக்கிறது.