தினசரி எவ்வளவு தண்ணீர் குடிக்க வேண்டும்? மருத்துவர்கள் கூறுவது என்ன?

உடல் சரியாக செயல்பட தண்ணீர் அவசியாமன ஒன்று. தண்ணீர் குடிப்பது ஆரோக்கியத்திற்கும், ஊட்டச்சத்துக்களை பெறுவதற்கும் பாக்டீரியாவை வெளியேற்றுவதற்கும் உதவுகிறது.

மேலும் செரிமானத்திற்கு, மலச்சிக்கலைத் தடுக்க, இரத்த அழுத்தத்தை இயல்பாக்க, உடல் வெப்பநிலையை ஒழுங்குபடுத்த, திசுக்களைப் பாதுகாப்பது என உடலுக்கு முக்கியமான ஒன்றாக உள்ளது. 

ஆண்கள் சராசரியாக தினமும் 4 லிட்டரும், பெண்கள் தினசரி 3 லிட்டரும் தண்ணீர் குடிக்க வேண்டும் என்று வலியுறுத்தப்படுகிறது.  மொத்தமாக தண்ணீர் மட்டும் குடிக்க வேண்டாம். இதில் ஜூஸ், டீ, காபி போன்றவைகளும் அடங்கும்.

மேலும், ஆரோக்கியமான உடல் செயல்பாட்டை பராமரிக்க ஒவ்வொரு நாளும் 2 லிட்டருக்கு மேல் தண்ணீர் குடிக்க வேண்டியது அவசியம். உங்களுக்கு அதிகமாக வியர்க்கும் என்றால் அதிக தண்ணீர் குடிக்க வேண்டும்.

உங்களுக்கு சிறுநீரகம் அல்லது இதயப் பிரச்சனைகள் இருந்தால் மருத்துவரின் அறிவுரைப்படி தண்ணீர் குடிக்க வேண்டும்.  நீங்கள் தினசரி எவ்வளவு தண்ணீர் குடிக்கிறீர்கள் என்பதில் கவனமாக இருக்க வேண்டும்.