டீம்லயே இல்ல.. ஆனால் பீல்டிங் செய்ய வந்த ரிங்கு சிங்..! என்ன நடந்தது?

இந்திய அணி இப்போது தென்னாப்பிரிக்கா அணிக்கு எதிரான டெஸ்ட் தொடரில் விளையாடுகிறது.

முதல் டெஸ்ட் போட்டி செஞ்சூரியனில் நடைபெறும் நிலையில், இப்போட்டிக்கான அணியில் ரிங்கு சிங் இல்லை.

அதாவது டெஸ்ட் தொடருக்கான அணியிலேயே ரிங்கு சிங் தேர்ந்தெடுக்கப்படவில்லை. அவர் 3 போட்டிகள் கொண்ட டி20 மற்றும் ஒருநாள் கிரிக்கெட் தொடர்களில் மட்டுமே இடம் பெற்று இருந்தார். 

அவர் டெஸ்ட் தொடருக்கான அணியில் இடம் பெறவில்லை. ஆனாலும் மாற்று வீரராக பீல்டிங் செய்ய வந்தார். இது ரசிகர்களுக்கு மத்தியில் வியப்பை ஏற்படுத்தியது.

இந்திய டெஸ்ட் அணியில் இடம் பெற்று இருந்த ருதுராஜ் கெய்க்வாட் காயம்  காரணமாக விலகினார். அவருக்குப் பதிலாக அணியில் அபிமன்யு ஈஸ்வரன் சேர்க்கப்பட்டார். 

அவர் தற்போது தென் ஆப்பிரிக்காவில், தென் ஆப்பிரிக்க ஏ அணிக்கு எதிராக இந்திய ஏ அணி மோதும் நான்கு நாட்கள் கொண்ட போட்டியில் பங்கேற்க சென்றுள்ளார். 

எனவே, அவரது இடத்தை நிரப்ப இந்திய நிர்வாகம் ரிங்கு சிங்கை அணியில் சேர்த்துள்ளது. அதனால் தான் ரிங்கு சிங் மாற்று வீரராக களம் இறக்கி பீல்டிங் செய்தார்.