22 ஆண்டுகளுக்குப் பிறகு மீண்டும் வெளியாகும் கமல்ஹாசனின் படம்!

உலகநாயகன் கமல்ஹாசன் மற்றும் இயக்குனர் சுரேஷ் கிருஷ்ணா இணைந்து பணியாற்றிய ஆளவந்தான் படம் கடந்த 2001ல் வெளியானது. 

ஆளவந்தான் படம் வெளியாகி தற்போது 22 ஆண்டுகள் நிறைவு பெற்றுள்ளது.  இந்நிலையில் இந்த படத்தை மீண்டும் திரையரங்குகளில் வெளியிட உள்ளனர்.

ஆளவந்தான் படம் உலகம் முழுவதும் 1000க்கும் மேற்பட்ட திரையரங்குகளில் பிரமாண்டமாக மறுவெளியீடு செய்யப்பட உள்ளது என்பது கூறப்படுகிறது. 

வி கிரியேஷன்ஸ் சார்பில் கலைப்புலி எஸ் தாணு இந்த படத்தை தயாரித்து இருந்தார்.  தனது ட்விட்டர் பக்கத்தில் மறுவெளியீடு குறித்து அறிவித்துள்ளார்.

கமலின் சிறந்த படைப்புகளில் ஒன்றாகப் ஆளவந்தான் போற்றப்படுகிறது. இந்த ஆண்டின் தொடக்கத்தில் கமலின் 'வேட்டையாடு விளையாடு' திரைப்படம் மீண்டும் வெளியாகி அமோக வெற்றி பெற்றது.

இப்படத்தில் கமல் இரட்டை வேடங்களில் நடித்துள்ளார். மேலும் ரவீனா டாண்டன், மனிஷா கொய்ராலா, சரத் பாபு மற்றும் பலர் நடித்துள்ளனர்.