புற்றுநோய் முதல் நீரிழிவு வரை பல நோய்க்கு மருந்தாகும் தக்காளி

தக்காளி உணவின் சுவையை கூட்டுவதோடு மட்டுமல்லாமல், நமக்கு சக்தியையும் தடுகிறது. தக்காளியில் வைட்டமின் சி, லைகோபீன், வைட்டமின், பொட்டாசியம் நிறைய உள்ளன. கூடுதலாக, கொழுப்பைக் குறைக்கிறது. உடல் எடையை குறைக்க விரும்புவோருக்கு இது மிகவும் நன்மை பயக்கும்.

தக்காளியின் ஒரு சிறந்த அம்சம் என்னவென்றால், தக்காளி சமைத்த பிறகும் அதன் ஊட்டச்சத்துக்கள் அப்படியே இருக்கும். தக்காளிக்குள் லைகோபீன் போன்ற ஆன்டிஆக்ஸிடெண்ட்கள் காணப்படுகின்றன. இது புற்றுநோய் செல்களை அழிக்க உதவுகிறது. தக்காளியை தவறாமல் உட்கொள்வது புரோஸ்டேட் புற்றுநோய், தொண்டை, வயிறு, மார்பக புற்றுநோய் அபாயத்தைக் குறைக்கிறது.

தக்காளிக்குள் ஏராளமான சத்துக்களும் குறைந்த கலோரிகளும் உள்ளன. இது உடல் எடையை குறைக்க உதவுகிறது. நீங்கள் காலை உணவுக்கு இரண்டு தக்காளியை எடுத்துக் கொண்டால், ஊட்டச்சத்துக்கள் அதிகம் கிடைப்பதோடு எடை அதிகரிக்காமல் இருப்பதற்கும் இது பயனுள்ளதாக இருக்கும்.

சீரம் லிப்பிட் ஆக்சிஜனேற்றத்தைத் தடுக்கும் லைகோபீன் தக்காளியில்  காணப்படுகிறது. இது உயர் இரத்த அழுத்தத்தைக் கட்டுப்படுத்த உதவுகிறது.  இதை தொடர்ந்து எடுத்துக் கொள்வதால் ட்ரைகிளிசரைடு அளவும் குறைகிறது.

செரிமான சக்தியை தக்காளி வலுப்படுத்துகிறது. இது கல்லீரலுக்கும் பாதுகாப்பானதாக இருக்கிறது. மேலும் இது இரைப்பை பிரச்சினைகளையும் நீக்குகிறது.

தக்காளிக்குள் குரோமியம் காணப்படுகிறது. இது இரத்த சர்க்கரை அளவை சமப்படுத்துகிறது. இது சிறுநீரில் உள்ள சர்க்கரையின்  அளவையும் கட்டுப்படுத்துகிறது. இதனால்தான் தக்காளியை அடிக்கடி எடுத்துக் கொள்வது டைப் 2 நீரிழிவு நோயாளிகளுக்கு மிகவும் பயனுள்ளதாக இருக்கும்.