Post Office திட்டம், பணத்தை இரட்டிப்பாக்கும் சூப்பர் முதலீட்டு திட்டங்கள்

டைம் டெபாசிட் திட்டம்: 1 முதல் 3 வருட கால டெபாசிட் திட்டத்தில் முதலீடு செய்தால் 5.5 சதவீதம் வட்டி கிடைக்கும். இதில், உங்கள் பணம் இரட்டிப்பு ஆக 13 ஆண்டுகள் ஆகலாம். அதே சமயம், 5 ஆண்டு திட்டத்திற்கு 6.7 சதவீதம் வட்டி வழங்கப்படுகிறது. எனவே, அதில், முதலீட்டு பணம் 11 ஆண்டுகளில் இரட்டிப்பு ஆகிவிடும்.

ரெக்கரிங் டெபாசிட் திட்டம்: போஸ்ட் ஆபீஸ் ரெக்கரிங் டெபாசிட் திட்டத்தின் வட்டி விகிதம் 5.8 ஆகும். இதில் உங்களது பணம் 12 ஆண்டுகளில் இரட்டிப்பு ஆகிவிடும்.

மாத வருமானத் திட்டம்: போஸ்ட் ஆபீஸ் மாத வருமானத் திட்டத்தின் வட்டி விகிதம் 6.6 ஆகும். இதில் உங்களது பணம் 11 ஆண்டுகளில் இரட்டிப்பு ஆகும்.

மூத்த குடிமக்கள் சேமிப்புத் திட்டம்: போஸ்ட் ஆபீஸ் மூத்த குடிமக்கள் சேமிப்புத் திட்டத்தின் வட்டி விகிதம் 7.4 ஆகும். இந்த திட்டத்தில், உங்களது பணம் 10 ஆண்டுகளில் இரட்டிப்பு ஆகிவிடும்.

சுகன்யா சம்ரித்தி யோஜனா: இந்த திட்டத்தில் தான், தபால் அலுவலக சேமிப்பு திட்டங்களில் அதிகப்பட்ச வட்டி கிடைக்கிறது. இதன் வட்டி வகிதம் 7.6 ஆகும். இந்த திட்டம் பெண் குழந்தைகளுக்காக செயல்படுகிறது. இதில் முதலீடு செய்யும் தொகை 9 ஆண்டுகளில் இரட்டிப்பாக மாறிவிடும்.

கிசான் விகாஸ் பத்ரா: கிசான் விகாஸ் பத்ரா திட்டத்திற்கு தற்போது 6.9 சதவீத வட்டி விகிதம் உள்ளது. முதலீட்டிற்கு இதுவும் ஒரு நல்ல வாய்ப்பாகும். இந்த விகிதத்தில் நீங்கள் முதலீடு செய்தால், உங்கள் தொகை 124 மாதங்களில் அதாவது 10 ஆண்டுகள் 4 மாதங்களில் இரட்டிப்பாகும். மேலும், இதற்கு அரசின் முழு உத்தரவாதமும் உள்ளது.