சனி பெயர்ச்சி 2025: சனியின் அருளால் புத்தாண்டில் அரசாளப்போகும் ராசிகள் இவைதான்

அனைத்து கிரகங்களும் ஒரு குறிப்பிட்ட காலத்தில் தங்கள் ராசிகளை மாற்றுகின்றன. இவை கிரக பெயர்ச்சிகள் என அழைக்கப்படுகின்றன. கிரக பெயர்ச்சிகளின் தாக்கம் அனத்து ராசிகளிலும் காணப்படுகின்றன.

ஜோதிடத்தில், சனி பகவான், நாம் செய்யும் செயல்களுக்கு ஏற்ப பலன்கள அளிக்கும் நீதியின் கடவுளாக பார்க்கப்படுகிறார்.  சனி கிரகம் அனைத்து கிரகங்களிலும் மிகவும் மெதுவாக நகரும் கிரகமாக இருப்பதால், ராசிகளில் அவரது தாக்கமும் அதிகமாக இருக்கின்றது.

தற்போது சனி பகவான் தனது சொந்த ராசியான கும்ப ராசியில் உள்ளார். 2025 ஆம் ஆண்டு மார்ச் மாதம் அவர் குருவின் ராசியான மீன ராசியில் பெயர்ச்சி ஆகவுள்ளார். சனி பெயர்ச்சி 2025 ஆம் ஆண்டின் மிக முக்கிய ஜோதிட நிகழ்வாக பார்க்கப்படுகின்றது.

2025 ஆம் ஆண்டு நடக்கவுள்ள சனி பெயர்ச்சியின் தாக்கம் அனைத்து ராசிகளிலும் இருக்கும். எனினும், சில ராசிகளில் இதனால் அதிகப்படியான நன்மைகள் நடக்கும். இவர்கள் வாழ்வில் மகிழ்ச்சி மழையாய் பொழியும். அந்த அதிர்ஷ்ட ராசிகளை பற்றி இந்த பதிவில் காணலாம்.

ரிஷபம்: ரிஷப ராசிக்காரர்களுக்கு சனி பெயர்ச்சி மிகவும் சாதகமாக இருக்கும். இந்த காலகட்டத்தில் குடும்ப வாழ்க்கை மகிழ்ச்சியாக இருக்கும். உத்தியோகத்தில் முன்னேற்றமும், வியாபாரத்தில் ஆதாயமும் உண்டாகும். உத்தியோகத்தில் பதவி உயர்வு கிடைக்கவும் வாய்ப்பு உண்டு. சனி பகவானின் அருளால் கடின உழைப்புக்கு நல்ல பலன் கிடைக்கும். 

மிதுனம்: 2025-ம் ஆண்டு மிதுன ராசியினருக்கு சாதகமாக இருக்கும். சனி பெயர்ச்சியின் தாக்கத்தால், மிதுன ராசிக்காரர்களுக்குப் புத்தாண்டில் தொழில் முன்னேற்றம் ஏற்படும். நிதி நிலைமை வலுப்பெறும். வியாபாரத்தில் புதிய திட்டங்கள் வெற்றி பெறும். திடீர் நிதி ஆதாயம் ஏற்படும். குடும்பம் மற்றும் உறவுகளில் இனிமை இருக்கும். மிதுன ராசிக்காரர்களுக்கு இந்த நேரத்தில்  முன்னேற்றமும் செழிப்பும் இருக்கும். நல்ல வருமானம் ஈட்டுவதுடன் திருமண வாழ்வில் இனிமையும் உண்டாகும்.

மகரம்: மகர ராசிக்காரர்களுக்கு சனி பெயர்ச்சி அதிக நன்மைகளை அளிக்கும். 2025-ம் ஆண்டு மகர ராசிக்காரர்களுக்கு ஏழரை சனியின் தாக்கம் முடிவடையும். மகர ராசிக்காரர்களுக்கு நிலுவையில் உள்ள வேலைகள் வேகமாக நடக்கும். கடன் தொல்லை நீங்கும், பழைய பணம் திரும்ப கிடைக்கும். வேலையில் சம்பளம் உயரும், பதவி உயரும். வியாபாரத்தில் லாபம் கிடைக்கும். மகர ராசிக்காரர்களுக்கு நம்பிக்கை அதிகரிக்கும். இந்த நேரத்தில், மகர ராசிக்காரர்கள் அதிர்ஷ்டத்தின் முழு ஆதரவைப் பெறுவார்கள். இது புதிய தொடக்கங்கள் மற்றும் வெற்றிக்கான நேரமாக இருக்கும்.

ஏழரை சனி: சனிக்கிரக தோஷம் மற்றும் ஏழரை சனியால் பாதிக்கப்பட்டுள்ளவர்கள் பரிகாரம் செய்ய நம் நாட்டில் பல இடங்களில் பல சனி பகவான் கோயில்கள் உள்ளன. இவற்றில் திருநள்ளாறு ஸ்ரீ சனீஸ்வர பகவான் கோவில் மிகவும் பிரசித்தி பெற்றது. இங்கே அருள் புரியும் சனி பகவானை வழிபடுபவர்களுக்கு சனி தோஷம் நிவர்த்தியாகி, சனி அருளால் நன்மைகள் ஏற்பட்டு நீண்ட ஆயுள் கிடைக்கும் என்பது ஐதீகம்.

சனி பகவானின் அருள் பெற, 'நீலாஞ்ஜன ஸமாபாஸம், ரவிபுத்ரம் யமாக்ரஜம்; ச்சாயா மார்த்தாண்ட ஸம்பூதம், தம் நமாமி சனைச்சரம்' என்ற ஸ்தோத்திரத்தை தினமும் கூறலாம். இது தவிர, “ஓம் ப்ரம் ப்ரீம் ப்ரௌம் ஷக் சனைச்சராய நமஹ” என்ற சனி மூல மந்திரத்தை ஜபிப்பதும் நல்ல பலன்களை அளிக்கும். 

பொறுப்பு துறப்பு: இங்கே கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்துள்ளன. ஜீ மீடியா இந்த தகவல்களை உறுதிப்படுத்தவில்லை.