பணி ஓய்வுக்கு முன்னரே NPS மூலம் ஏகப்பட்ட நன்மைகள் கிடைக்கும்: பட்டியல் இதோ
பணி ஓய்வுக்கு பிறகான காலத்திற்கான திட்டமிடல் (Retirement Planning) செய்யும் எண்ணத்தில் உள்ளீர்களா? அப்படியென்றால், NPS உங்களுக்கான சிறந்த திட்டமாக இருக்கும். இதில் பணத்தை முதலீடு செய்து நல்ல வருமானம் பெறலாம். பெரும்பாலான மக்கள் NPS இல் பணத்தை முதலீடு செய்வதால், வயதான காலத்தில் ஓய்வூதியத்திற்கான உத்தரவாதம் கிடைக்கும் என்று நம்புகிறார்கள். இது உண்மைதான். ஆனால், NPS மூலம் இதைத் தவிர இன்னும் பல நன்மைகளும் கிடைக்கின்றன.
இளமைக் காலத்திலும் NPS உங்களுக்கு பல நன்மைகளைத் தருகிறது என்பது பலருக்குத் தெரியாது. வயதான காலத்தில் பணத்திற்கான கவலைகளை நீக்குவதோடு NPS மூலம் இன்னும் பல நன்மைகளும் கூடுதலாக கிடைக்கும். பணி ஒய்வுக்கு முன்னரே NPS உறுப்பினர்கள் பெறக்கூடிய நன்மைகள் பற்றி இந்த பதிவில் காணலாம்.
NPS திட்டத்தில் முதலீடு செய்யப்படும் பணத்திற்கு வரி விலக்கு (Tax Exemption) கிடைக்கும். இந்த வரி விலக்கும் சாதாரணமானது அல்ல. வருமான வரியின் பிரிவு 80CCD இன் கீழ் NPS இல் முதலீடு செய்தால் வரி விலக்கு கிடைக்கும். இதில் இரண்டு துணைப் பிரிவுகளும் உள்ளன - 80CCD(1) மற்றும் 80CCD(2). இது தவிர, 80CCD(1) 80CCD(1B) இன் மற்றொரு துணைப் பிரிவு உள்ளது. 80சிசிடி(1)ன் கீழ் ரூ.1.5 லட்சமும், 80சிசிடி(1பி) கீழ் ரூ.50 ஆயிரமும் வரிவிலக்கு பெறலாம். அதே சமயம், 80CCD(2)ன் கீழ் இந்த ரூ.2 லட்சம் விலக்கு தவிர, வருமான வரியில் (Income Tax) மேலும் விலக்கு பெறலாம்.
உங்கள் என்.பி.எஸ்-ல் முதலீட்டிற்கு நிறுவனத்திடமிருந்து வரி விலக்கு கிடைக்கும். இதன் கீழ், நீங்கள் உங்களின் அடிப்படை சம்பளம் மற்றும் அகவிலைப்படியில் 10 சதவீதம் வரை NPS இல் முதலீடு செய்யலாம். அதற்கு வரி விலக்கு கிடைக்கும். அதே நேரத்தில், நீங்கள் ஒரு அரசு ஊழியராக இருந்தால், இது உங்களுக்கு 14 சதவீதம் வரை இருக்கலாம். பெரும்பாலான நிறுவனங்கள் NPS வசதியை வழங்குகின்றன. நிறுவனத்தின் HR மூலம் NPS இல் முதலீடு செய்யலாம். நல்ல விஷயம் என்னவென்றால், இதன் மூலம் நீங்கள் கூடுதல் வரி விலக்கு பெற முடியும். உங்கள் இளமை பருவத்தில் உங்களுக்கு வரி விலக்கு கிடைக்கும், அதாவது உங்கள் பணம் சேமிக்கப்படும், இது உங்களுக்கு பயனுள்ளதாக இருக்கும்.
ஒருவருக்கு வேலை கிடைத்தவுடன், ஆரம்ப நாட்களில் பெரும்பாலும் பலர், பணத்தை அங்கும் இங்கும் தேவையிலாமல் செலவழிக்கிறார்கள். சில வருடங்களுக்குப் பிறகுதான், முதுமையில் சிறப்பாக வாழ, இளமையில் முதலீடு செய்வது அவசியம் என்பதை அனைவரும் புரிந்து கொள்ளத் தொடங்குகிறார்கள்.
முதலீட்டிற்கு பல திட்டங்கள் மற்றும் கருவிகள் இருந்தாலும், NPS இன் மிகப்பெரிய நன்மை என்னவென்றால், அதில் டெபாசிட் செய்யப்பட்ட பணத்தை ஓய்வுக்குப் பிறகுதான் எடுக்க முடியும். அதாவது, மற்ற திட்டங்களைப் போலவே, அதன் லாக்-இன் காலம் 5 ஆண்டுகள் அல்லது 15 ஆண்டுகள் அல்ல, மாறாக 60 வயதாக உள்ளது. இந்த வழியில் இளைஞர்களின் முதலீடு முதுமைக்கு பாதுகாப்பாக உள்ளது. லாக்-இன் குறைவாக இருந்தால், பல நேரங்களில் மக்கள் அந்த பணத்தை கார், வீடு அல்லது ஏதேனும் மருத்துவ அவசரநிலைக்கு பயன்படுத்துகிறார்கள். இதன் காரணமாக முதுமையின் பாதுகாப்பு பலவீனமாகிறது.
எல்லா முதலீட்டுத் திட்டங்களிலும் நீங்கள் நிலையான வருமானத்தைப் பெறுவீர்கள், சில திட்டங்களில் நமக்கு கிடைக்கக்க்கூடிய வருமானத்தின் மீதான கட்டுப்பாடு நமக்கு இருப்பதில்லை. சந்தையுடன் இணைக்கப்பட்ட திட்டங்களில் பெரும்பாலும் இப்படி இருக்கும்.என்பிஎஸ்ஸில் பணத்தை முதலீடு செய்தால், பங்குச் சந்தையில் எவ்வளவு பணம் முதலீடு செய்ய விரும்புகிறீர்கள் மற்றும் நிலையான வருமானம் தரும் கருவிகளில் எவ்வளவு பணம் முதலீடு செய்ய வேண்டும் என்பதை நீங்களே முடிவு செய்து கொள்ளலாம்.
இளைஞர்களுக்கு அதிக ரிஸ்க் எடுக்கும் திறன் உள்ளது. அத்தகைய சூழ்நிலையில், அதிக ரிஸ்க் எடுப்பதன் மூலம் நீங்கள் அதிக வருமானத்தைப் பெறலாம். இது வரும் நாட்களில் ஒரு பெரிய கார்பஸைக் குவிப்பதற்கு உதவும். உங்கள் வயது அதிகரிக்கும் போது, குறைந்த ரிஸ்க் எடுக்க வேண்டும் என்று நீங்கள் நினைக்கும் போது, அதற்கேற்ப என்பிஎஸ்ஸில் உங்கள் முதலீட்டை மாற்றலாம். இந்த வகையில் வயதிற்கு ஏற்றவாறு முடிவெடுக்க NPS நமக்கு உதவும்.
பொறுப்பு துறப்பு: இந்த செய்தி உங்கள் தகவலுக்காக மட்டுமே அளிக்கப்பட்டுள்ளது. NPS -இல் முதலீடு செய்யும் முன், உங்கள் நிதி ஆலோசகரை கலந்தாலோசிக்க அறிவுறுத்தப்படுகிறது. NPS குறித்த சமீபத்திய மற்றும் துல்லியமான தகவல்களுக்கு அதிகாரப்பூர்வ அரசாங்க தளங்களை அணுக பரிந்துரைக்கபப்டுகின்றது.