உங்கள் குழந்தையின் ஆரோக்கியத்தை காலி செய்யும்... சில ஆபத்தான உணவுகள்

குழந்தைகளின் ஆரோக்கியம் சிறப்பாக இருக்கவும், அவர்கள் பற்கள் எலும்புகள் வலுவாக இருக்கவும், உடல் பருமன் ஏற்படாமல் இருக்கவும், இதய நோய்கள், நீரிழிவு உள்ளிட்ட ஆபத்தை தவிர்க்கவும் சில உணவுகளை தவிர்ப்பது அல்லது கட்டுப்படுத்துவது அவசியம். ஏனெனில் சிறுவர்களுக்கு கூட மாரடைப்பு ஏற்படும் செய்திகளை அவ்வப்போது கேட்கிறோம்.

பிஸ்கெட்:  சாக்லேட் உடல் நலத்திற்கு தீங்கு விளைவிக்கும் என்று நம்மில் அனைவருக்கும் தெரியும். ஆனால் பிஸ்கட் உடலுக்கு நல்லது என்ற எண்ணம் பலர் மத்தியில் உள்ளது.  ஏனெனில் பிஸ்கட்டில் கார்போஹைட்ரேட் மற்றும் சர்க்கரை மட்டுமே அதிக அளவில் உள்ளது. மேலும் பெரும்பாலான பிஸ்கட்டுகள் மைதா மாவில் தயாரிக்கப்படுகின்றன. 

கார்பனேற்றப்பட்ட பானங்கள்:  செயற்கை பானங்கள், கார்பனேற்றப்பட்ட பானங்களில் அதிக அளவு சர்க்கரை மற்றும் கார்பன் டை ஆக்சைடு உள்ளது. இந்த பானங்கள் குழந்தைகளின் பற்களை சேதப்படுத்தும், எலும்புகளை பலவீனமாக்கும் மற்றும் உடல் பருமனை ஏற்படுத்தும்.

இனிப்புகள்: அளவிற்கு அதிகமான சாக்லேட், கேக், ஐஸ்க்ரீம் உள்ளிட்ட அதிக சர்க்கரை உள்ள உணவுகள் குழந்தைகளின் பற்களுக்கு மிகவும் தீங்கு விளைவிக்கும். இது பற்களில் குழியை ஏற்படுத்தும். இது தவிர அதிக சர்க்கரை சாப்பிடுவதால் குழந்தைகளுக்கு உடல் பருமன் மற்றும் நீரிழிவு நோய் ஏற்படும் அபாயம் உள்ளது.

துரித உணவு: பர்கர்கள், பீட்சா, நூடுல்ஸ் மற்றும் பிற துரித உணவுகளில் அதிக கலோரிகள், நிறைவுற்ற கொழுப்பு, சர்க்கரை மற்றும் உப்பு உள்ளது. துரித உணவு குழந்தைகளின் ஊட்டச்சத்து தேவைகளை பூர்த்தி செய்யாது மற்றும் உடல் பருமன், இதய நோய் மற்றும் வகை 2 நீரிழிவு நோயை அதிகரிக்கும்.

பதப்படுத்தப்பட்ட உணவுகள்: சிப்ஸ், பிஸ்கட், குக்கீஸ் மற்றும் பிற பதப்படுத்தப்பட்ட தின்பண்டங்களில் சர்க்கரை, உப்பு மற்றும் ஆரோக்கியமற்ற கொழுப்புகள் அதிகம். இந்த தின்பண்டங்கள் குழந்தைகளின் பற்களுக்கு தீங்கு விளைவிக்கும் மற்றும் உடல் பருமனை ஏற்படுத்தும்.

பொரித்த உணவு பொருட்கள்: பிரெஞ்ச் பிரைஸ், பக்கோடா, சமோசா போன்ற வறுத்த பொருட்களை குழந்தைகளுக்கு மிகவும் பிடிக்கும். ஆனால், அவற்றில் நிறைய கலோரிகள் மற்றும் ஆரோக்கியமற்ற கொழுப்பு உள்ளது. வறுத்த உணவுகளை அடிக்கடி உட்கொள்வது குழந்தைகளுக்கு உடல் பருமன் மற்றும் நீரிழிவு அபாயத்தை அதிகரிக்கும்.