FD-யா, RD-யா: எதில் சேமிக்கலாம்? உங்களுக்கான சிறந்த முறை எது? தெரிஞ்சுக்கலாம் வாங்க!!

நிலையான வைப்பு, அதாவது FD, சேமிப்புக்கான ஒரு முறையாகும். இதில் பணம் ஒரு வங்கியில் அல்லது ஒரு நிறுவனத்தில் ஒரு குறிப்பிட்ட காலத்திற்கு முதலீடு செய்யப்படுகிறது. அதற்கு பதிலாக, நிலையான வட்டி கிடைக்கிறது. இது பொதுவாக ஓய்வு பெற்றவர்களுக்கு ஒரு நல்ல வருமான ஆதாரமாகும். இதில், நீங்கள் வட்டியை ஒன்றாக பின்னரும் எடுத்துக்கொள்ளலாம். அல்லது ஒவ்வொரு மாதமும் எடுத்துக்கொள்ளலாம்.

தொடர்ச்சியான வைப்புத்தொகையில் (Recurring Deposit) அதாவது RD-ல், FD-ஐப் போல, பணத்தை ஒரே நேரத்தில் போடுவதற்கு பதிலாக ஒவ்வொரு மாதமும் குறிப்பிட்ட தொகையை முதலீடு செய்ய வேண்டும். இந்த பணம் பின்னர் குறிப்பிட்ட நேரத்தில் வட்டியுடன் திருப்பித் தரப்படுகிறது. இந்த முறை, சேமிக்கும் பழக்கத்தை ஏற்படுத்திக்கொள்ள நல்ல முறையாக கருதப்படுகிறது. 

FD மற்றும் RD இரண்டுமே நல்ல சேமிப்பு முறைகள்தான். ஒரெ நேரத்தில் உங்களிடம் பெரிய தொகை இருந்தால் நீங்கள் FD-ஐ தேர்ந்தெடுக்கலாம். உங்களிடம் சேகரிக்கப்பட்டுள்ள தொகை மொத்தமாக இல்லையென்றால், உங்களுக்கு RD சரியான தேர்வாக இருக்கும். ஏனெனில் இதில் நீங்கள் ஒவ்வொரு மாதமும் கொஞ்சம் பணம் டெபாசிட் செய்தால் போதும்.

ஒரு வாடிக்கையாளர் 7 நாட்கள் முதல் 10 ஆண்டுகள் வரை FD-ல் முதலீடு செய்யலாம். RD-ல் நீங்கள் 6 மாதங்கள் முதல் 10 ஆண்டுகள் வரை முதலீடு செய்யலாம்.

ஒரு வங்கி அல்லது தபால் நிலையத்தில் கணக்கைத் திறந்த பிறகு, நீங்கள் FD அல்லது RD ஐத் தொடங்கலாம். நீங்கள் விரும்பினால், 100 ரூபாய் கூட RD-ல் முதலீடு செய்யலாம். அதே போல், FD-யிலும், வாடிக்கையாளர் தனது விருப்பத்திற்கு ஏற்ப ஒரு மொத்த தொகையை முதலீடு செய்யலாம். 

FD மற்றும் RD இரண்டிலும் வட்டி விகிதங்கள் வேறுபடுகின்றன. Fixed Deposit-ல் 2.35 சதவீதம் முதல் 10 சதவீதம் வரை வட்டி கிடைக்கிறது. இது வங்கி மற்றும் நேரத்தின் அடிப்படையில் மாறுபடும். Recurring Deposit-ன் வட்டி விகிதம் 4 சதவீதத்திலிருந்து 8 சதவீதமாக மாறுபடும்.