PF விதிகளில் பெரிய மாற்றம்: உங்களுக்கு பாதிப்பு இருக்குமா? தெரிந்து கொள்ளுங்கள்

Provident Fund par tax : பி.எஃப் மீதான இந்த வரி ஊழியர்களின் பங்களிப்புக்கு பொருந்தும், நிறுவனங்களின் பங்களிப்புக்கு பொருந்தாது. பொதுவாக, PF-ல் அதிக தொகையை சேமித்து ஊழியர்கள் வரி கட்டாமல்  இருக்கிறார்கள். ஏனெனில், இதுவரை PF தொகைக்கு வரி வகைகளிலிருந்து விலக்கு அளிக்கப்பட்டிருந்தது. 

நிதியமைச்சர் வெளியிட்டுள்ள அறிவிப்பின்படி, பணியாளர் வருங்கால வைப்பு நிதி, தன்னார்வ வருங்கால வைப்பு நிதி மற்றும் விலக்கு அளிக்கப்பட்ட வருங்கால வைப்பு நிதி அமைப்புகளின் வட்டிக்கு வரி விலக்கு அளிக்கப்படுகிறது. பி.எஃப் பங்களிப்பு எவ்வளவு அதிகமாக இருந்தாலும், விலக்கு அளிக்கப்படும். பட்ஜெட்டில் அறிவிக்கப்பட்ட இந்த புதிய முடிவின் தாக்கம் நேரடியாக அதிக ஊதியம் பெறுபவர்களின் மீது அதிகமாக இருக்கும். 

இபிஎஃப் சட்டத்தின் கீழ், பணியாளர் மற்றும் நிறுவனத்தின் பங்களிப்பு 12 சதவீதமாக நிர்ணயிக்கப்பட்டுள்ளது. இருப்பினும், ஊழியர்கள் இந்த தொகையை விட தன்னார்வ வருங்கால வைப்பு நிதிக்கு (வி.பி.எஃப்) தானாக முன்வந்து பங்களிக்க முடியும். வி.பி.எஃப் பங்களிப்புக்கு மேல் வரம்பு இல்லை.

வருங்கால வைப்பு நிதி வரி: வருங்கால வைப்பு நிதி மீதான வட்டி வரி விலக்குடன் வைத்திருப்பது தொடர்பாக ஒரு ஊழியரின் அதிகபட்ச வருடாந்திர பங்களிப்பு வரம்பை ரூ .2.5 லட்சத்திலிருந்து ரூ .5 லட்சமாக மோடி அரசு உயர்த்தியுள்ளது. வருங்கால வைப்பு நிதியில் (பி.எஃப்) ரூ .5 லட்சம் வரை ஊழியரின் பங்களிப்புக்கு செலுத்தப்படும் வட்டிக்கு வரி விதிக்கப்படாது என்று நிதியமைச்சர் நிர்மலா சீதாராமன் தெரிவித்தார்.

வருங்கால வைப்பு நிதியில் பெறப்படும் வட்டி மீதான வரி திட்டத்தால் வருங்கால வைப்பு நிதி கணக்கு வைத்திருப்பவர்களில் ஒரு சதவீதம் பேர் மட்டுமே பாதிக்கப்படுவார்கள் என்று நிதியமைச்சர் கூறினார். பெரும்பாலான ஊழியர்களின் பங்களிப்பு 2.5 லட்சத்திற்கு குறைவாக உள்ளதால், அவர்களுக்கு இதனால் எந்த பாதிப்பும் ஏற்படாது.