இந்த 3 பேரும் ஓகே சொன்னால் போதும் கால்ஷீட் கொடுத்துருவேன் - பிரியா பவானி சங்கர்

அடுத்தடுத்து பிஸியாக படங்களில் நடித்துக் கொண்டிருக்கும் பிரியா பவானி சங்கர், முன்னணி நடிகையாகவும் வளர்ந்து கொண்டிருக்கிறார்.

ருத்ரன், பொம்மை படங்களை தொடர்ந்து தற்போது இந்தியன் 2, டிமான்டி காலனி-2, ஜீப்ரா, அரண்மனை 4, விஷால் நடிக்கும் படம் என பல படங்களில் பிரியா பவானி சங்கர் நடித்துக் கொண்டிருக்கிறார். 

இப்போது தனக்கு பிடித்த 3 இயக்குநர்களின் பெயர்களை பட்டியலிட்டுள்ளார். 

அதில், நான் ஏற்கனவே நடித்த மான்ஸ்டர் படத்தை இயக்கிய நெல்சன் வெங்கடேசன், பொம்மை படத்தை இயக்கிய ராதா மோகன் ஆகியோர் என்னை மீண்டும் நடிக்க அழைத்தால் அவர்களிடத்தில் கதையே கேட்காமல் நடிக்க தயாராக இருக்கிறேன். 

அதே போல் வெற்றிமாறன் அழைத்தாலும் கதையே கேட்காமல் நடிப்பேன். 

அவர் மீது எனக்கு மிகப்பெரிய மதிப்பும் மரியாதையும் உள்ளது என்கிறார் பிரியா பவானி சங்கர்.