Rinku Singh Apologize: சிக்சர் அடித்ததற்காக மனிப்பு கேட்ட ரிங்கு சிங்

தென் ஆப்பிரிக்காவுக்கு எதிரான 2-வது டி20 போட்டி செயிண்ட் ஜார்ஜ் பூங்காவில் நடைபெற்றது. இதில் அதிரடியாக அரைசதம் அடித்தார் ரிங்கு சிங்.

இது அவரின் முதல் சர்வதேச அரைசதம் ஆகும். முதல் பந்து முதலே அதிரடியாக ஆடினார் ரிங்கு சிங்.

அவரின் அதிரடியால் இந்திய அணி 180 ரன்களை எடுக்க முடிந்தது.  ரிங்கு 69 ரன்கள் விளாசி கடைசி ஓவரில் அவுட்டானார். 

மழை குறுக்கிட்ட இப்போட்டியில் இரண்டாவது இன்னிங்ஸ் ஆடிய தென்னாப்பிரிக்கா அதிரடியாக ஆடி வெற்றி பெற்றது. 

இப்போட்டியில் முதல் பேட்டிங்கின்போது அதிரடியாக ஆடிய ரிங்கு சிங் சிக்சர் அடித்த பந்து ஒன்று ஸ்டாண்டில் இருந்த மீடியா பாக்ஸின் கண்ணாடியை உடைத்தது. 

தென்னாப்பிரிக்கா கேப்டன் மார்க்ரம் 19-வது ஓவரை வீச, இதில் அடுத்தடுத்து இரண்டு சிக்ஸர்களை ரிங்கு விளாசினார்.

முதல் சிக்ஸ் பார்வையாளர்கள் மத்தியில் விழுந்தது. அதைவிட வேகமாக அடிக்கப்பட்ட இரண்டாவது சிக்ஸர் மீடியா பாக்ஸின் கண்ணாடியை உடைத்துள்ளது.

இந்த வீடியோ தற்போது இணையத்தில் வைரலாக, போட்டிக்கு பின் இதுகுறித்த கேள்விக்கு சிரித்துக்கொண்டே ரிங்கு அதற்காக மன்னிப்பு கேட்டுள்ளார்.