தொழில்நுட்ப முன்னேற்றத்தில் மலைக்க வைக்கும் 2024! திகைக்க வைக்கும் அதிரடி தொழில்நுட்பங்கள்!

பிளாக்செயின், செயற்கை நுண்ணறிவு முதல் குவாண்டம் கம்ப்யூட்டிங் வரை, 2024ஆம் ஆண்டின் முக்கிய தொழில்நுட்ப முன்னேற்றங்களைப் பற்றி தெரிந்துக் கொள்வோம்

குவாண்டம் கம்ப்யூட்டிங் என்பது குவாண்டம் இயற்பியலின் விசித்திரமான விதிகளில் இயங்கும் ஒரு புதிய வகையான தொழில்நுட்பமாகும், இது வழக்கமான கணினிகளை விட மிக வேகமாக சிக்கல்களைத் தீர்க்கிறது என்பது குறிப்பிடத்தக்கது. பெரிய தரவு பகுப்பாய்வு அல்லது குறியாக்கம் உள்ளிட்ட சிக்கலான பணிகளைச் சமாளிக்க குவாண்டம் கம்ப்யூட்டிங் பயன்படுகிறது, இது போன்ற தொழில்நுட்ப நுணுக்கங்கள் பற்றி பொதுவாக சாதாரண மக்களுக்குத் தெரிவதில்லை

நமது அன்றாட வாழ்வின் ஒரு பெரிய பகுதியாக மாறிவிட்ட செயற்கை நுண்ணறிவு, நமது ஃபோன்களில் உள்ள குரல் உதவியாளர்கள் முதல் பெரிய அளவிலான டேட்டாவை விரைவாகச் செயலாக்கி புரிந்துகொள்ளக்கூடிய அமைப்புகள் என விரிந்துக் கொண்டே செல்கிறது. மிகவும் சிக்கலான விஷயங்களை தானியக்கமாக்க ஏஐ தொழில்நுட்பம் உதவுகிறது 

ஆக்மென்ட்டட் ரியாலிட்டி டிஜிட்டல் விஷயங்களை நிஜ உலகத்துடன் கலக்கிறது, நம்மைச் சுற்றியுள்ள அனைத்தையும் தொடர்பு கொள்ளும் விதத்தை, பார்க்கும் விதத்தை மாற்றுகிறது. உங்கள் மொபைலில் உள்ள ஆப்ஸ் மூலமாக பயன்படுத்தலாம் 

புதிய தலைமுறை மொபைல் நெட்வொர்க்குகள், அதிவேக வேகம் மற்றும் அதிக நம்பகமான இணைப்புகளை வழங்குகிறது. 5G இல் அதிகரித்து வரும் முன்னேற்றங்களைத் தாண்டி 6ஜி என்ற நிலைக்கு சென்றுக் கொண்டிருக்கிறோம்

பிளாக்செயின் தொழில்நுட்பம் என்பது, அனைத்து டிஜிட்டல் பதிவுகளையும் பாதுகாப்பாகவும் திறந்ததாகவும் வைத்திருக்கும் ஒரு அமைப்பாகும். பிளாக்செயின், அமைப்பு பரிவர்த்தனைகளைச் சரிபார்ப்பதற்கும் பதிவு செய்வதற்கும் கணினிகளின் நெட்வொர்க்கைப் பயன்படுத்துகிறது, இது பிட்காயின் போன்ற கிரிப்டோகரன்ஸிகளில் பயன்படுத்தப்படுகிறது.

நிலையான தொழில்நுட்பம் என்பது புதிய கண்டுபிடிப்புகளுடன் முன்னேறும் அதே வேளையில் சுற்றுச்சூழலைப் பாதுகாப்பதற்கான வழிகளைக் கண்டுபிடிப்பதாகும். உதாரணமாக-ஆற்றல்-திறனுள்ள கேஜெட்டுகள் மற்றும் புதுப்பிக்கத்தக்க எரிசக்தி ஆதாரங்களைச் சொல்லலாம்

தொழில்நுட்பம் முன்னேறும் அதேவேளையில் தொழில்நுட்பங்களே நமக்கு அச்சுறுத்தல்களை ஏற்படுத்துகிறது. இதில் இருந்து நம்மை பாதுகாக்க சைபர் பாதுகாப்பு தொடர்பான நுட்பங்களும் தொடர்ந்து மேம்படுத்தப்பட்டு வருகின்றன. 2024ம் ஆண்டில் சைபர் பாதுகாப்பு தொழில்நுட்பம் குறிப்பிடத்தக்க அளவில் மேம்பட்டுள்ளது