லெமன் ஜூஸ் நல்லது தான்.. ஆனா இவர்கள் `NO` சொல்லி தான் ஆகணும்

அசிடிட்டி பிரச்சனை உள்ளவர்கள் எலுமிச்சை நீரை குடிப்பதை தவிர்க்க வேண்டும். ஏனெனில் இதில் அதிக அளவில் சிட்ரிக் அமிலம் உள்ளது, இது உடலில் அமிலத்தன்மையை அதிகரிக்கும்.

பல் பிரச்சனை இருக்கும் நபர்கள் எலுமிச்சை தண்ணீர் குடிப்பதை தவிர்க்க வேண்டும். ஏனெனில் இதில் உள்ள அமிலம் பல் பற்சிப்பியை சேதப்படுத்தும்.

எலும்பு சம்பந்தமான பிரச்சனைகள் எதிர்கொள்ளும் நபர்கள் எலுமிச்சம்பழ நீரை குடிக்கவே கூடாது. ஏனெனில் எலுமிச்சை நீரை அதிகமாக உட்கொள்வது எலும்புகளுக்கு தீங்கு விளைவிக்கும். இதில் உள்ள அமிலத்தின் காரணமாக, எலும்புகளில் படிந்திருக்கும் கால்சியத்தின் விரைவான அரிப்பு ஏற்படலாம்.

சிறுநீரக நோயால் பாதிக்கப்பட்டவர்கள் எலுமிச்சை நீரை குடிக்க கூடாது. ஏனெனில் இது சிறுநீரகத்தில் கூடுதல் அழுத்தத்தை ஏற்படுத்துகிறது.

நெஞ்செரிச்சலால் அவதிப்படுபவர்கள் எலுமிச்சை நீரை அருந்துவதை தவிர்க்க வேண்டும். ஏனெனில் இது பெப்சின் எனப்படும் நொதியை செயல்படுத்தும். இதனால் குடல்புண் பிரச்சனை அதிகரிக்கும்.

இந்தச் செய்தி உங்களுக்கு பல தகவல்களை வழங்குவதற்காக மட்டுமே எழுதப்பட்டுள்ளது. இதை எழுதுவதில் வீட்டு வைத்தியம் மற்றும் பொதுவான தகவல்களின் உதவியை நாங்கள் பெற்றுள்ளோம். இவற்றை பின்பற்றுவதற்கு முன் கண்டிப்பாக மருத்துவ ஆலோசனையைப் பெற வேண்டும். ஜீ மீடியா இந்த தகவல்களை உறுதிப்படுத்தவில்லை.