குரு பெயர்ச்சியால் உருவாகும் சதுர்கிரஹி யோகம்: 5 ராசிகளுக்கு அமோகமான ராஜவாழ்க்கை!!

கிரக நட்சத்திரங்களின் படி, ஏப்ரல் மாதம் மிகவும் முக்கியத்துவம் வாய்ந்ததாக இருக்கிறது. இந்த மாதத்தில் பல கிரகங்கள் பெயர்ச்சியாகின்றன. இந்த கிரகங்களின் சஞ்சாரத்தால் பல முக்கிய யோகங்கள் உருவாகி வருகின்றன.

நேற்று சூரியன் மேஷ ராசியில் பெயர்ச்சியானார். ஏப்ரல் 22ல் குரு மேஷ ராசிக்கு வருகிறார். இங்கு ராகுவும் புதனும் ஏற்கனவே அமர்ந்துள்ளனர். இந்த நான்கு கிரகங்களின் சந்திப்பால் சதுர்கிரஹி யோகம் உருவாகி வருகிறது.

மேஷத்தில் நடக்கும் இந்த கிரகங்களின் சேர்க்கை சுமார் 12 ஆண்டுகளுக்குப் பிறகு உருவாகிறது. இந்த கிரகங்களின் சேர்க்கையால் சில ராசிக்காரர்கள் சிறப்பான பலன்களைப் பெறப் போகிறார்கள். சதுர்கிரஹி யோகம் சில ராசிக்காரர்களுக்கு அபரிமிதமான நன்மைகளை அளிக்கவுள்ளது. 

சதுர்கிரஹி யோகம் மேஷ ராசிக்காரர்களுக்கு மிகவும் சிறப்பாக அமையப் போகிறது. இந்த நேரத்தில், உங்கள் ஆளுமை மேம்படும். புதிய ஆற்றலை உணர்வீர்கள். உங்கள் இலக்குகளை அடைவீர்கள். திருமணமாகாதவர்களுக்கு இந்த நேரத்தில் திருமணம் நிச்சயிக்கப்படும். கூட்டுத் தொழிலில் ஈடுபட்டால் அதில் வெற்றி கிடைக்கும். உத்தியோகத்தில் இருப்பவர்களும் புதிய வாய்ப்புகளைப் பெறலாம்.

சதுர்கிரஹி யோகம் கன்னி ராசிக்காரர்களுக்கு மிகவும் சாதகமாக அமையப் போகிறது. இந்த காலகட்டத்தில் நோயிலிருந்து விடுபடுவீர்கள். உங்கள் திறமை மற்றும் புத்திசாலித்தனத்தின் அடிப்படையில் நீங்கள் அனைத்து வேலைகளிலும் சக ஊழியர்களின் பாராட்டுகளைப் பெறலாம். ஆராய்ச்சியில் தொடர்புடையவர்கள் இந்த யோகத்தால் வெற்றி பெறலாம்.

சதுர்கிரஹி யோகம் துலாம் ராசிக்காரர்களுக்கு நல்ல பலனைத் தரும். தடைப்பட்ட உங்களின் பல வேலைகள் இந்த நேரத்தில் முடிவடையும். திருமண வாழ்வில் நல்லிணக்கம் இருக்கும். முதலீட்டில் இருந்து லாபம் பெறுவதற்கான அனைத்து வாய்ப்புகளும் உள்ளன.

சதுர்கிரஹி யோகத்தின் காரணமாக தனுசு ராசிக்காரர்களுக்கு குழந்தை தரப்பில் இருந்து நல்ல செய்திகள் கிடைக்கும். இந்த காலத்தில் உங்கள் விருப்பங்கள் அனைத்தும் நிறைவேறும். ஆன்மீகம், மதம் அல்லது ஜோதிடம் தொடர்பான துறையில் பணிபுரிபவர்களுக்கு இந்த நேரம் சாதகமாக இருக்கும். இந்த சதுர்கிரஹி யோகத்தின் மூலம், உங்கள் தொழிலில் முன்னேற புதிய வாய்ப்புகளைப் பெறுவீர்கள். 

மீன ராசிக்காரர்கள் சதுர்கிரஹி யோகத்தால் சுப பலன்களைப் பெறப் போகிறார்கள். இந்த நேரத்தில் நீங்கள் பல விஷயங்களை ஒரே நேரத்தில் செய்வதைத் தவிர்க்க வேண்டும். இந்த மாதம் நீங்கள் நண்பர்கள் மற்றும் உங்கள் அன்புக்குரியவர்களுடன் தொடர்பு கொள்ள ஒரு நல்ல வாய்ப்பைப் பெறுவீர்கள். 

இங்கு கொடுக்கப்பட்டுள்ள தகவல்கள் பொதுவான நம்பிக்கைகள் மற்றும் தகவல்களின் அடிப்படையில் அமைந்தவை. ஜீ நியூஸ் இந்த தகவல்களை உறுதிப்படுத்தவில்லை