உங்க பணம் உங்ககிட்டயே இருக்கும்: வரி விலக்கு பெறுவதற்கான எளிய டிப்ஸ்

சம்பளம் பெறும் ஊழியர்கள் மருத்துவக் காப்பீட்டில் வரி விலக்குகளைப் பெறலாம். வாழ்க்கைத் துணைவர்கள், சார்ந்திருக்கும் குழந்தைகள் மற்றும் மூத்த குடிமக்களாக இருக்கும் பெற்றோர்கள் ஆகியோரை உள்ளடக்கி ரூ. 50,000 வரை விலக்கு பெறலாம்.

வீட்டுக் கடன்கள் இருக்கும் வரி செலுத்துவோர், அவர்கள் செலுத்த வேண்டிய வட்டியில் விலக்குகளை கோரலாம். இதற்கான வரம்பு ரூ. 2 லட்சம். மேலும் சொத்து வாடகைக்கு விடப்பட்டிருந்தால், அதற்கு வரம்பு இல்லை. 

கல்விக் கடனைத் தேர்ந்தெடுப்பதன் மூலம் தனிநபர்கள் வரியைச் சேமிக்க முடியும். இதில், வட்டி செலுத்துதலுக்கு விலக்குக்கான அதிகபட்ச வரம்பு இல்லை.

12 லட்சம் ரூபாய்க்கு கீழ் வருமானம் பெறும் குடிமக்கள். ராஜீவ் காந்தி ஈக்விட்டி சேமிப்புத் திட்டத்தின் கீழ் குறிப்பிட்ட பங்குகள் மற்றும் மியூசுவல் ஃபண்டுகளில் முதலீடு செய்தால் ஆண்டுக்கு கூடுதல் விலக்குகளை அனுபவிக்க முடியும்.

வரி செலுத்துவோர் நீண்ட கால சொத்துக்களை விற்று வரும் லாபத்தை மீண்டும் குறிப்பிட்ட திட்டங்களில் முதலீடு செய்வதன் மூலம் வரிப் பொறுப்பைக் குறைக்கலாம்.

பங்குகளை ஓராண்டுக்கும் மேலாக வைத்திருக்கும் நீண்ட கால ஆதாயங்களுக்கு வரி விலக்கு அளிப்பதன் மூலம் ஈக்விட்டி பங்குகள் மற்றும் மியூச்சுவல் ஃபண்டுகளில் முதலீடு செய்வதை அரசாங்கம் ஊக்குவிக்கிறது.

சமூக காரணங்களுக்காக அல்லது அரசியல் கட்சிகளில் பங்களிக்கும் வரி செலுத்துவோர், NGO -க்கள் அல்லது அரசியல் கட்சிகள் தொடர்புடைய சான்றிதழ்களை வழங்கினால், நன்கொடைத் தொகையில் 50 சதவிகிதம் மற்றும் சரிசெய்யப்பட்ட மொத்த வருவாயில் 10 சதவிகிதம் வரை விலக்கு கோரலாம், 

80GG பிரிவின் கீழ் பணியாளர்கள் வீட்டு வாடகைக் கொடுப்பனவை (HRA) கோரலாம். வருடாந்திர வாடகை 1 லட்சத்திற்கு மேல் இருந்தால் இது வரிகளில் நிவாரணம் அளிக்கிறது. நில உரிமையாளரின் பான் கார்டு மற்றும் குத்தகை ஒப்பந்தம் உள்ளிட்ட தேவையான ஆவணங்களை சமர்ப்பிக்க வேண்டும்.

நிறுவனங்களிடமிருந்து LTA பெறும் நபர்கள், இந்தியாவிற்குள் பயணம் செய்வதன் மூலம் வரி இல்லாத LTA ஐப் பெறலாம். இது நான்கு ஆண்டுகளில் இரண்டு முறை பொருந்தும். இந்த பயணங்கள் வாழ்க்கைத் துணைவர்கள், குழந்தைகள் மற்றும் பெற்றோருடனான பயணங்களை உள்ளடக்கி இருக்கும்.