கருப்பு, வெள்ளை, பிரவுன் அரிசியில் சத்தான அரிசி இதுதான் தெரிஞ்சுக்கோங்க

இந்தியாவில் அரிசி உணவே பிரதானம். ஆனால் அதிகரித்து வரும் நீரிழிவு நோய் காரணமாக, மக்கள் இப்போது வெள்ளை அரிசியை தவிர்க்க தொடங்கியுள்ளனர். இருப்பினும் வெள்ளை அரிசியை தவிர மற்ற வகை அரிசிகள் உள்ளன. அந்த அரிசிகளில் எது சத்தானது என தேட தொடங்கியுள்ளனர். 

கருப்பு மற்றும் பழுப்பு அரிசியை பிரதானமாக எல்லோரும் வாங்கி சாப்பிடுகின்றனர். அதனால், இந்த மூன்று வண்ண அரிசிகளில் எது அதிக சத்தானது என்பது குறித்த நிபுணர்களின் கருத்தை ஆரோக்கியத்தின் பார்வையில் தெரிந்து கொள்வது அவசியம்.

வெள்ளை அரிசி மிகவும் பிரபலமானது மற்றும் அதன் சுவை பெரும்பாலான மக்களால் விரும்பப்படுகிறது. இருப்பினும், பாலிஷிங் செயல்முறை காரணமாக பல ஊட்டச்சத்துக்கள் அதில் அழிக்கப்படுகின்றன. வெள்ளை அரிசியில் நார்ச்சத்து குறைவாக உள்ளது. 

உயர் கிளைசெமிக் இண்டெக்ஸ் (ஜிஐ) உள்ளது. இது இரத்த சர்க்கரையை விரைவாக அதிகரிக்கச் செய்யும். இருப்பினும், வெள்ளை அரிசி ஒரு நல்ல ஆற்றல் மூலமாகும், ஆனால் அதை குறைந்த அளவில் சாப்பிடுவது ஆரோக்கியமானது.

பிரவுன் ரைஸ் பாலிஷ் செய்யப்படாததால் அதிக சத்தானது. அவற்றில் அதிக அளவு நார்ச்சத்து உள்ளது, இது செரிமானத்தை மேம்படுத்த உதவுகிறது. நார்ச்சத்து தவிர, மெக்னீசியம், பாஸ்பரஸ் மற்றும் வைட்டமின் பி-6 ஆகியவை அவற்றில் உள்ளன. பிரவுன் அரிசி எடை இழப்புக்கு நல்லது என்று கருதப்படுகிறது, ஏனெனில் அதன் கிளைசெமிக் குறியீடு வெள்ளை அரிசியை விட குறைவாக உள்ளது.

கறுப்பு அரிசியை அதிக சத்து நிறைந்தது. அவற்றின் கருப்பு நிறம் அந்தோசயனின் காரணமாக உள்ளது. இது ஒரு சக்திவாய்ந்த ஆக்ஸிஜனேற்றியாகும். கருப்பு அரிசியில் அதிக அளவு புரதம் மற்றும் நார்ச்சத்து உள்ளது.

இது செரிமானத்தை மேம்படுத்துவதோடு இதய நோய்களைத் தடுக்கவும் உதவுகிறது. கருப்பு அரிசியின் கிளைசெமிக் குறியீடும் குறைவாக இருப்பதால், நீரிழிவு நோயாளிகளுக்கும் இது நன்மை பயக்கும்.

நிபுணர்களின் கூற்றுப்படி, ஆரோக்கியத்தின் பார்வையில் கருப்பு மற்றும் பழுப்பு அரிசி, வெள்ளை அரிசியை விட அதிக சத்தானது. ஊட்டச்சத்து நிபுணர் சீமா அகர்வால் கூறுகையில், கருப்பு அரிசியை உட்கொள்வது ஆக்ஸிஜனேற்ற மற்றும் நார்ச்சத்துக்கு சிறந்தது. அதே நேரத்தில் பழுப்பு அரிசி எடை மற்றும் செரிமானத்திற்கு நன்மை பயக்கும். வெள்ளை அரிசியை முற்றிலுமாக கைவிட வேண்டிய அவசியமில்லை, ஆனால் அளவோடு சாப்பிடுங்கள் என கூறியுள்ளார்.