இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இணையத்தில் எண்ணிடங்காத வீடியோக்கள் பகிரப்படுகின்றன. அவை நம அறியாத விலங்குகளின் வாழ்க்கையையும், பறவைகளின் வாழ்க்கையையும் எடுத்துக் காட்டுவதாக இருக்கின்றன. வன விலங்குகள், பறவைகள் தொடர்பான பல வீடியோக்கள் தற்போது சமூக வலைதளங்களில் பதிவேற்றம் செய்யப்படுகின்றன. சில பார்ப்பவர்களுக்கு பீதியை ஊட்டுவதாகவும், சில வேடிக்கையானதாகவும், சில வியப்பில் ஆழ்த்துபவையாகவும் இருக்கும். இணைய உலகில் பகிரப்படும் தகவல்கள் மூலம் பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. 


COMMERCIAL BREAK
SCROLL TO CONTINUE READING

வனவிலங்கு வீடியோக்களைப் பொறுத்தவரை, அவற்றில் பெரும்பாலானவை வேட்டையாடும் காட்சிகள். அதே சமயத்தில் மனதிற்கு இதமான பறவைகளின் அல்லது விலங்குகளின் காதல் காட்சிகளும் அதிக அளவில் பகிரப்படுகின்றன. அந்த வகையில் பறவைகளின் காதலை விவரிக்கும் வீடியோ ஒன்று மிகவும் வைரலாகி வருகிறது. வைரலாகும் வீடியோவில் சீனாவை சேர்ந்த பொன்னிற பெருஞ்செம்போத்து அல்லது சீனப் பெருஞ்செம்போத்து என்னும் பறவையில் காதலை காணலாம். அந்த வீடியோவில், ஆண் பறவைகள் இரண்டு, பெண் பறவை ஒன்றைக் கவர போட்டியிடுகின்றன. இரண்டும் தனது அழகிய தோகை போன்ற இறகுகளால்  விரட்டி விரட்டி காதலிக்கின்றன. ஆனால், அங்கே அந்த பெண் பறவை மசிவதாக தெரியவில்லை. 


வைரலாகும் பறவையில் காதல் வேட்டை வீடியோவை கீழே காணலாம்:


 



 


வீடியோவில் பொன்னிற பெருஞ்செம்போத்து அல்லது சீனப் பெருஞ்செம்போத்து (Golden Pheasant, Chrysolophus Pictus) என்பது பசியானிடே குடும்பத்தைச் சேர்ந்த பறவை. இவை மேற்கு சீனாவின் மலைப்பகுதிக் காடுகளை தாயகமாகக் கொண்டவை. எனினும், இவை இங்கிலாந்து, கனடா, அமெரிக்கா, ஜெர்மனி, பெல்ஜியம், நெதர்லாந்து, பிரான்ஸ், ஆஸ்திரேலியா நியூசிலாந்து ஆகிய இடங்களிலும் காணப்படுகிறன. வளர்ந்த ஆண் பறவை 90–105 செ.மீ நீளமுடையதாகவும், இதனுடைய வால் மொத்த நீளத்தில் மூன்றில் ஒன்றாகவும் காணப்படுகிறது.


இந்த வீடியோவைப் போல் மயிலின் காதல் உணர்வை விவரிக்கும் வீடியோ ஒன்று சில நாட்களுக்கு முன் வைரலானது. உலகின் மிக அழகான பறவைகளில் ஒன்று மயில், அதன் வண்ணம், விசிறி போன்ற வால், நீண்ட வடிவான இறகுகள், இணையைக் கவர அவைகள் ஆடும் அற்புத நடனம் என பார்ப்பவர்களை எப்போதும் பிரம்மிக்க வைக்கும். பெண் மயிலை கவர்வதைத் தவிர மழை வரும் முன்னரும் மயில்கள் தோகை விரித்து நடனமாடும். சில சமயங்களில் எதிரிகளை அச்சுறுத்தவும் தோகையை விரித்து, வேகமாக அசைத்து, ஒலி எழுப்பி பயமுறுத்தும். ஆங்கிலத்தில் மயிலின் பொதுப்பெயர் பீபௌல் (Peafowl) என்பதாகும். ஆண் மயிலினை பீக்காக் (peacock) என்றும், பெண் மயிலினை பீஹென் (peahen) என்றும் அழைக்கிறோம்.


மேலும் படிக்க | Viral Video: ஆண் மயிலின் அற்புத ஒயிலாட்டம்... மனம் இரங்காத பெண் மயில்!


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ