#CWG_2018: மேலும் 2 பதக்கம்! 3வது இடத்தில் இந்தியா!

ஆஸ்திரேலியாவில் நடைப்பெற்று வரும் கோல்ட் கோஸ்ட் காமன்வெல்த் போட்டியில் இந்தியாவிற்கு மேலும் 2 பதக்கங்கள்.

21_வது காமன்வெல்த் விளையாட்டு போட்டி ஆஸ்திரேலியாவில் உள்ள கோல்டு கோஸ்ட் நகரில் நடைபெற்று வருகிறது.  காமன்வெல்த் போட்டி மொத்தம் 12 நாட்கள் நடைபெறும். இந்த போட்டியில் மொத்தம் 71 நாடுகள் பங்கேற்கின்றன. 

இந்நிலையில் பெண்களுக்கான 10 மீட்டர் ஏர் ரைபிள் துப்பாக்கி சுடும் போட்டி இன்று நடைபெற்றது. இதில் இந்தியா சார்பில் அபூர்வி சண்டேலா, மெகுலி கோஷ் பங்கேற்றனர். இதில், மெகுலி கோஷ் வெள்ளிப் பதக்கம் வென்றார். அபூர்வி சண்டேலா வெண்கலப் பதக்கம் வென்றார். 

இதன்மூலம் இந்தியா தற்போது வரை 8 தங்கம், 4 வெள்ளி, 5 வெண்கலம் வென்று பட்டியலில் மூன்றாவது இடத்தில் உள்ளது.