WATCH: ஆஸ்திரேலியாவை வீழ்த்தி நாடு திரும்பிய Team India-வுக்கு சென்னையில் அமோக வரவேற்பு

சென்னை: ஆஸ்திரேலியாவில் நடந்த டெஸ்ட் தொடரில் 2-1 என்ற கணக்கில் ஆஸ்திரேலிய அணியை வீழ்த்தி இந்திய கிரிக்கெட் அணி இந்தியா திரும்பியுள்ளது. இந்திய அணியின் வீரர்கள் மற்றும் பயிற்சிக் குழு உறுப்பினர்கள் அனைவரும் வியாழக்கிழமை காலை சென்னைக்கு வந்தனர். இங்கிலாந்துக்கு எதிரான டெஸ்ட் போட்டியில் இந்தியா இங்கு விளையாடும்.

இந்திய அணிக்கு அமோகமான வரவேற்பு

பார்டர்-கவாஸ்கர் தொடரை வென்ற இந்திய அணிக்கு (Team India) சென்னை சர்வதேச விமான நிலையத்தில் அன்பான வரவேற்பு அளிக்கப்பட்டது. பிரபல புகைப்படக் கலைஞர் வைரல் பயானி தனது இன்ஸ்டாகிராம் கணக்கில் இது குறித்த வீடியோவைப் பகிர்ந்துள்ளார்.

சென்னையில் இங்கிலாந்துடனான டெஸ்ட் போட்டி

இங்கிலாந்துக்கு (England) எதிரான டெஸ்ட் தொடரின் 2 தொடக்க டெஸ்டுகளில் சென்னையில் இந்திய அணி இங்கிலாந்து அணியை எதிர்கொள்ளும். முதல் போட்டி பிப்ரவரி 5 முதல் 9 வரையிலும் இரண்டாவது போட்டி பிப்ரவரி 13 முதல் 17 வரையிலும் எம்.ஏ.சிதம்பரம் மைதானத்தில் நடைபெறும் என தெரிவிக்கப்பட்டுள்ளது.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR