ரஷ்யா - உக்ரைன் போரை முன்பே கணித்தாரா ஜோப்ரா ஆர்ச்சர்?

ரஷ்யா - உக்ரைன் போர் உக்கிரமடைந்திருக்கும் நிலையில் கிரிக்கெட் வீரர் ஜோப்ரா ஆர்சரின் டிவிட் இணையத்தில் வைரலாகியுள்ளது. 2014 ஆம் ஆண்டு ’Come on Russia' என டிவிட்டரில் அவர் பதிவிட்டுள்ளார். இதனை ஸ்கிரீன்ஷாட் எடுத்து இணையத்தில் பதிவிட்டுள்ள நெட்டிசன்கள், ரஷ்யா உக்ரைன் போரைக் குறிப்பிட்டு ஆர்ச்சர் பதிவிட்ட டிவிட்டர் பதிவு என வைரலாக்கி வருகின்றனர். 8 ஆண்டுகளுக்கு முன்பே ரஷ்யா, உக்ரைன் மீது போர் தொடுக்க வரும் என்பதை கணித்து அவர் இந்த பதிவை பதிவிட்டார் என்றும் புரளியை கிளப்பியுள்ளனர்.

ஆனால் உண்மை என்னவென்றால் 8 ஆண்டுகளுக்கு முன்பு ரஷ்யா - பெல்ஜியம் அணிகளுக்கு இடையே கால்பந்து போட்டி நடைபெற்றபோது ஆர்ச்சர் இந்த டிவிட்டை பதிவு செய்திருந்தார். ஆனால், நெட்டிசன்கள் இப்போது நடைபெறும் போரை அவர் கணித்ததாக டிவிஸ்ட் செய்து இணையத்தில் ஆர்சரை பிரபலமாக்கியுள்ளனர்.

இதேபோல், மும்பை இந்தியன்ஸ் அணி அவரை ஏலம் எடுத்ததையும், 2014 ஆம் ஆண்டே ஆர்ச்சர் கணித்ததாக அவரின் டிவிட் ஒன்றை எடுத்து நெட்டிசன்கள் அண்மையில் வைரலாக்கினர்.

கடந்த ஐபிஎல் ஏலத்தில் மும்பை அணி 8 கோடி கொடுத்து அவரை ஏலம் எடுத்தது. அப்போது, ஆர்ச்சர் 2014 ஆம் ஆண்டு பதிவிட்ட ’Mumbai deserve it’ என்ற டிவிட்டை ரீ டிவீட் செய்து, மும்பை அணி தன்னை ஏலம் எடுக்கும் என்பதை ஆர்ச்சர் 8 ஆண்டுகளுக்கு முன்பே கணித்துவிட்டார் என பரப்பினர். இப்போது, ரஷ்யா டிவிட்டை பரப்பி வருகின்றனர். உலகின் மிகச்சிறந்த பவுலரான ஆர்ச்சரை, நெட்டிசன்கள் தங்களின் பொழுது போக்குக்காக ‘ஜோசியராக’ மாற்றியிருப்பது நகைச்சுவையை ஏற்படுத்தியுள்ளது. 

உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.

முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR