இந்தியன் சூப்பர் லீக் 3: கோப்பையை வெல்லப்போவது யார்?

ஐ.எஸ்.எல் எனப்படும் இந்தியன் சூப்பர் லீக் கால்பந்து மூன்றாவது சீசன் போட்டி அக்டோபர் 1-ம் தேதி முதல் டிசம்பர் 18-ம் தேதி வரை நடக்கிறது. இதில் மொத்தம் 8 அணிகள் மோத உள்ளன. 

கவுகாத்தியில் 1-ம் தேதி நடக்கும் தொடக்க ஆட்டத்தில் நார்த் ஈஸ்ட் யுனைடெட் எப்.சி.-கேரளா பிளாஸ்டர்ஸ் எப்.சி. அணிகள் மோதுகின்றன. இப்போட்டி இரவு 7 மணி நடைபெற உள்ளது. தொடக்க லீக் ஆட்டத்துக்கான டிக்கெட்டுகள் அனைத்தும் விற்று தீர்த்து விட்டன.

கண்கவர் கலைநிகழ்ச்சிகளுடன் தொடக்க விழா அரங்கேறுகிறது. இதில் இந்தி சினிமா நட்சத்திரங்கள் அலியா பாத், ஜேக்குலின் பெர்னாண்டஸ், வருண் தவான் ஆகியோர் கலந்து கொண்டு நடனமாடுகிறார்கள். ஐ.எஸ்.எல். அணியின் உரிமையாளர்களான தெண்டுல்கர், டோனி, அபிஷேக் பச்சன் உள்ளிட்ட பிரபலங்களும் தொடக்க விழாவில் கலந்து கொள்கிறார்கள்.