11, 12ம் தேதிகளில் வேட்பாளர் நேர்காணல்- அதிமுக அறிவிப்பு!!

தமிழகத்தில் உள்ள 39 பாராளுமன்ற தொகுதிகளுக்கும் அ.தி.மு.க.வில் 11, 12-ம் தேதிகளில் வேட்பாளர் நேர்காணல் நடைபெற இருக்கிறது. 

பாராளுமன்ற தேர்தலில், தமிழகத்தில் அதிமுக தலைமையிலான கூட்டணியில் பாஜக, பாமக, புதிய தமிழகம், புதிய நீதிக்கட்சி ஆகியவை இடம்பெற்றுள்ளன. இதில் பாஜகவுக்கு 5 தொகுதிகளும், பாமகவுக்கு 7 தொகுதிகளும், புதிய தமிழகம், புதிய நீதிக்கட்சிக்கு தலா ஒரு தொகுதியும் ஒதுக்கப்பட்டுள்ளன.

தமிழகத்தில் உள்ள 39 பாராளுமன்ற தொகுதிகளுக்கும் அதிமுக வேட்பாளர் நேர்காணலை நடத்த இருக்கிறது. இது தொடர்பாக, அதிமுக தலைமைக் கழகம் சார்பில் வெளியிடப்பட்டுள்ள அறிவிப்பில் கூறப்பட்டுள்ளதாவது:-

நடைபெறவுள்ள நாடாளுமன்ற தேர்தலில் அதிமுக சார்பில் போட்டியிடுவதற்காக விருப்ப மனு அளித்தவர்களுக்கான நேர்க்காணல் வரும் 11 மற்றும் 12ம் தேதி நடைபெறும் என அதிமுக தலைமைக்கழகம் அறிவித்துள்ளது. 

11 ஆம் தேதி சேலம், நாமக்கல், கரூர் உள்ளிட்ட 20 தொகுதிகளுக்கும், 12 ஆம் தேதி வேலூர், தருமபுரி உள்ளிட்ட 19 தொகுதிகளுக்கும் வேட்பாளர் நேர்க்காணல் நடைபெறும் என அறிவிக்கப்பட்டுள்ளது. பாஜக, பாமக , புதிய தமிழகம், புதிய நீதிக்கட்சிகளுடன் கூட்டணி அமைத்துள்ள அதிமுக, 39 தொகுதிகளுக்கும் வேட்பாளர் நேர்காணலை அறிவித்திருப்பது குறிப்பிடத்தக்கது.