நீட் தேர்வு விதிமுறைகள்: எதை கொண்டு பாேக வேண்டும்? எதை செய்யக்கூடாது? முழு விவரம்..

NEET UG Exam 2024 Instructions Dress Code For Candidates : நீட் இளநிலை மருத்துவ படிப்பிற்கான தேர்வு, இன்று நாடு முழுவதும் நடைபெறுகிறது. இந்த தேர்வினை எழுதுவதற்காக, சுமார் 24 லட்சம் மாணவர்கள் விண்ணப்பத்திருக்கின்றனர்.

நீட் இளநிலை மருத்துவ படிப்பிற்கான நுழைவுத்தேர்வு 2024:

மருத்துவ இளநிலை படிப்பிற்கான நுழைவுத்தேர்வான நீட் மே 6 ஆம் தேதியான இன்று நாடு முழுவதும் நடைபெறுகிறது. இந்த தேர்வினை சுமார் 23.8 லட்சம் மாணவர்கள் எழுத இருக்கின்றனர். இந்த தேர்வில் பங்கேற்க தமிழ்நாட்டில் இருந்து மட்டும் சுமார் 1.5 லட்சம் மாணவர்கள் விண்ணப்பித்திருக்கின்றனர். இந்தியா முழுவதும், சுமார் 557 நகரங்களில் இந்த நீட் நுழைவுத்தேர்வானது நடைபெற இருக்கிறது. வெளிநாடுகளை சேர்ந்த 14 நகரங்களிலும் இத்தேர்வு நடைபெற உள்ளது. 

இத்தேர்வில் பங்கேற்கும் மாணவர்களுக்கான ஹால்டிக்கெட் (தேர்வு அனுமதி சீட்டு) கடந்த 2ஆம் தேதி ஆன்லைனில் வெளியிடப்பட்டது. இந்த தேர்வினை, மாணவர்கள் மொத்தம் தமிழ், ஆங்கிலம் மற்றும் இந்தி உள்பட 13 மொழிகளில் எழுதுகின்றனர். 

தேர்வு நடைபெறும் நேரம்:

தேசிய தேர்வு முகமை நடத்தும் இந்த தேர்வு, இன்று (மே 6) பிற்பகல் 2 மணிக்கு தொடங்கி மாலை 5:30 மணி வரை நடைபெற இருக்கிறது. இந்த தேர்வின் முடிவுகள் ஜூன் 14ஆம் தேதி வெளியிடப்படுகிறது. 

மாணவர்களுக்கான கட்டுப்பாடுகள்:

ஹால் டிக்கெட்:

>நீட் ஹால் டிக்கெட் 3 பக்கங்கள் இருக்கும். முதல் பக்கத்தில் சுய உறுதி மொழி (Self-Declaration Form) இருக்கும், இரண்டாவது பக்கத்தில் உங்கள் பாஸ்போர்ட் சைஸ் புகைப்படம் இருக்கும். மூன்றாவது பக்கத்தில் தேர்வாளர்களுக்கான அறிவுரைகள் வழங்கப்பட்டிருக்கும். 

>தேர்வு அறைக்குள் செல்வதற்கு முன்னர், ஹால் டிக்கெட்டை கையில் ப்ரிண்ட் அவுட்டாக எடுத்து வைத்திருக்க வேண்டும். 

டிரெஸ் கோட்:

நீட் தேர்வை எழுத வருபவர்கள், கேஷுவல் ஆடைகள் அணியலாம். நீளமான கை வைத்த ஆடைகள் அணிவதை தடுக்கவும். ஷூ அணிய அனுமதி இல்லை. சாதாரண செப்பல் அணிந்து செல்லலாம். 

எப்போது தேர்வு அறைக்குள் இருக்க வேண்டும்?

>நீட் தேர்வு எழுத இருப்பவர்கள், தேர்வு மையத்திற்குள் 11:30 மணியில் இருந்து 1:30 மணி வரை செல்லலாம். இந்த நேரத்திற்கு பிரகு வருபவர்கள், தேர்வு அறைக்குள் அனுமதிக்கப்பட மாட்டார்கள்.

>தேர்வு ஆரம்பித்த முதல் 1 மணி நேரத்திற்கு கழிவறைக்கு அனுமதி இல்லை என்று கூறப்படுகிறது. இதே போல, கடைசி அரை மணி நேரத்திற்கும் அனுமதி இல்லை. 

>இடையில் கழிப்பறைக்கு சென்று வந்தாலும் அவர்கள், முழுமையாக பரிசோதிக்கப்பட்டு தேர்வு அறைக்குள் மீண்டும் அனுமதிக்கப்படுவர். 

எதையெல்லாம் எடுத்து செல்லலாம்?

>ஹால் டிக்கெட்
>ஒரு அடையாள அட்டை (ஆதார் கார்டு, குடும்ப அட்டை உள்ளிட்டவை) வைத்திருக்க வேண்டும்.
>ஒளி ஊடுருவுகிற (transparent)பாட்டில்
>PwD சான்றிதழ் மற்றும் எழுத்தர் தொடர்பான ஆவணங்கள் (இருந்தால்) வைத்திருக்க வேண்டும்
>கையில் வைத்திருக்கும் ஆவணங்கள் மட்டுமே அனுமதிக்கப்படும்.

தடை செய்யப்பட்ட பொருட்கள்:

>காகிதம் எடுத்து (பிட்) எடுத்து வரக்கூடாது.
>பென்சில் பாக்ஸ், பிளாஸ்டிக் பவுச், கால்குலேட்டர், எழுதும் பேட்
>பென் ட்ரைவ், எரேசர், எலக்ட்ரானிக் சாதனம் கொண்ட பேனாக்கள், ப்ளூடூத் சாதனங்கள், ஹெட்ஃபோன்ஸ், பேஜர், ஸ்மார்ட் வாட்ச்
>எந்த கைகடிகாரமும் அனுமதி இல்லை
>மெட்டல் சாதனங்கள் அனுமதி இல்லை
>உணவு பொருட்கள்
>மறைமுகமாக பேசும் ஆடியோ சாதனங்கள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!