கருணாநிதி உடல்நிலையை விசாரிக்க ரஜினிகாந்த் வருவதாக தகவல்!

நாளை சென்னை திரும்பும் ரஜினிகாந்த் காவேரி மருத்துவமனை சென்று திமுக தலைவர் கருணாநிதியின் உடல்நிலை பற்றி விசாரிப்பார் என தகவல்!

வயது முதிர்வு மற்றும் உடல் நிலை சோர்வு காரணமாக திமுக தலைவர் கருணாநிதி அவர்கள் கடந்த சில மாதங்களாக மருத்துவ கண்கானிப்பில் இருந்து வருகிறார். இந்நிலையில் கடந்த ஜூலை 27-ஆம் நாள் இரவு அவருக்கு ரத்த அழுத்தக் குறைவு ஏற்பட்டதால் நள்ளிரவில் காவேரி மருத்துவமனையில் இருந்து ஆம்புலன்ஸ் வரவழைக்கப் பட்டு தலைவர் கருணாநிதி அவர்கள் மருத்துவமனைக்கு அழைத்துச் செல்லப்பட்டார். 

ரத்த அழுத்தம் காரணமாக காவிரி மருத்துவமனையில் தீவிர சிகிச்சை பிரிவில் சிகிச்சை பெற்று வந்த கருணாநிதியின் உடல்நிலை குறித்து பல்வேறு வதந்திகள் பரபரப்பட்டு வந்தது. இந்நிலையில், கருணாநிதியின் உடல்நிலை குறித்து பல்வேறு அரசியல் கட்சி தலைவர்கள் மற்றும் பிரபலங்கள் காவிரி மருத்துவனையை நோக்கி படையெடுத்து வருகின்றனர். 

இந்நிலையில், கார்த்திக் சுப்ராஜ் இயக்கத்தில் நடித்துவரும் ரஜினிகாந்த், டேராடூனில் இரண்டாம் கட்ட சூட்டிங்கை முடித்துக்கொண்டு நாளை சென்னை திரும்புகிறார். சென்னை வந்த பின் சிகிச்சைக்காக மருத்துவமனையில் அனுமதிக்கப்பட்டிருக்கும் கருணாநிதியை நேரில் சென்று நலம் விசாரிக்கவுள்ளதாக தகவல் வெளியாகியுள்ளது.