அம்சமான ஐபோன் 15 அதிரடி ஆப்பரில்... ரூ.12 ஆயிரம் தள்ளுபடி - விலையை இன்னும் குறைக்கலாம்!

iPhone 15 Smartphone: இந்திய ஸ்மார்ட்போன் சந்தைகளில் முன்னணியில் இருப்பது சாம்சங் மற்றும் ஆப்பிள் நிறுவனம் எனலாம். சாம்சங் அனைத்து தரப்பு மக்களிடமும் ஆதிக்கம் செலுத்துவதால் விற்பனையிலும் முன்னணியில் உள்ளது. ஆப்பிள் ஐபோன் ப்ரீமியம் வகை ஸ்மார்ட்போன்களாக இருந்தாலும் அவற்றை வாங்கவும் பலரும் விருப்பப்படுகின்றனர். ஐபோன் வைத்திருப்பதை கௌரவாமாக நினைக்கும்போக்கு ஒருபுறம் என்றால், அதன் தனியுரிமை மீதான அக்கறை, கேமரா மற்றும் பிற பயன்பாடு சார்ந்தும் பலர் அதை வாங்க நினைக்கின்றனர்.

தொடர்ந்து, ஆப்பிள் நிறுவனம் ஐபோன் 15 சீரிஸை ஸ்மார்ட்போன்களை கடந்த செப். 12ஆம் தேதி அறிமுகப்படுத்தியது. தொடர்ந்து, ஐபோன் 15 சீரிஸ் செப். 22ஆம் தேதி அன்று விற்பனைக்கு வந்தது. இந்தியாவிலும் மக்கள் ஆப்பிள் ஸ்டோர் மற்றும் ஆன்லைன் மூலம் ஐபோன் 15 சீரிஸ் மொபைல்களை வாங்க அதிக ஆர்வம் காட்டினர்.

அசல் விலை என்ன?

ஐபோன் 15 மொபைலின் 128ஜிபி வேரியண்டின் விலை 79 ஆயிரத்து 900 ரூபாய் மற்றும் 256ஜிபி வேரியண்டின் விலை 89 ஆயிரத்து 900 ரூபாய் ஆகும். அதேபோல், 512ஜிபி வேரியண்ட் 1 லட்சத்து 9 ஆயிரத்து 900 ரூபாய்க்கு விற்பனையாகிறது. இந்த மொபைல் ஐந்து வெவ்வேறு வண்ணங்களில் கிடைக்கிறது. மேலும், இதன் கடந்த சீரிஸான ஐபோன் 14 மாடலை விட இதில் பல்வேறு பெரிய அப்கிரேட்கள் உள்ளன என்பதை உறுதியாக சொல்லலாம். 

இப்போது, ஐபோன் 15 மாடலுக்கு பல்வேறு விற்பனை நிலையங்கள் தள்ளுபடியை வழங்குகின்றன. விஜய் சேல்ஸ், பிளிப்கார்ட், க்ரோமா மற்றும் அமேசானை போன்றவை வாடிக்கையாளர்களுக்கு சில கவர்ச்சிகரமான சலுகைகளை வழங்குகின்றன. ஆனால், 35 ஆயிரம் ரூபாய்க்குள் சமீபத்திய ஐபோன் 15 மாடலை நீங்கள் பெறலாம் என்று சொன்னால் நம்ப முடிகிறதா...? ஆனால் அதுதான் உண்மை, அதை எப்படி பெறுவது எங்கு வாங்குவது என்பதை இதில் காணலாம். மேலும், அதற்கு ஒரு நிபந்தனையும் உள்ளது.

ரூ. 12 ஆயிரம் தள்ளுபடி

அமேசான் இந்தியா தற்போது ஐபோன் 15 மொபைலுக்கு சில சிறப்பு சலுகைகளை வழங்கி வருகிறது. இதில் நீங்கள் ஐபோன் 15 மாடலை 12 ஆயிரம் ரூபாய் தள்ளுபடியில் பெறலாம். இதனை பெற, அமேசான் இந்தியாவின் இணையதளத்திற்குச் சென்று ஐபோன் 15 (iPhone 15) மொபைலை தேடவும். இப்போது, சலுகைகள் வழங்கப்படும் பகுதிக்குச் செல்லவும். ஹெச்டிஎப்சி வங்கி கிரெடிட் கார்டில் உடனடி வங்கி தள்ளுபடி 5 ஆயிரம் ரூபாய் வரை இருக்கும். இது மட்டுமின்றி, ஏர்டெல் போஸ்ட்பெய்டு இணைப்புக்கு மாறினால் கூடுதலாக 7 ஆயிரம் ரூபாய் தள்ளுபடி பெறலாம். எனவே ஐபோன் 15 மாடலை 12 ஆயிரம் ரூபாய் குறைவாக வாங்கலாம்.

ஐபோன் 15 மாடலின் விலையை மேலும் குறைக்க விரும்பினால், உங்களின் பழைய ஐபோனை எக்ஸ்சேஞ் செய்துகொண்டு இன்னும் தள்ளுபடியை பெறலாம். உங்கள் பழைய போன் எவ்வளவு சிறப்பாக இருக்கிறதோ, அதற்கேற்ற தள்ளுபடியும் கிடைக்கும்.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!