Nothing Phone (2): ப்ரீ ஆர்டரிலேயே ஏகப்பட்ட சலுகைகள், இந்த தேதியில் துவக்கம்
Nothing Phone (2): ப்ரீ ஆர்டர் ஜூன் 29 மதியம் 12 மணி முதல் தொடங்குகிறது. இது ஆன்லைன் ஷாப்பிங் தளமான பிளிப்கார்ட்டில் விற்பனைக்கு வரும்.
Nothing Phone (2) முன்பதிவு சலுகைகள்: ஸ்மார்ட்போன் பயனர்கள் Nothing Phone (2) ஃபோனுக்காக ஆவலுடன் காத்திருக்கிறார்கள். இந்த போனை நிறுவனம் ஜூலை 11 ஆம் தேதி அறிமுகம் செய்யும். இப்போது நிறுவனம் இந்த போனை வெல்லும் வாய்ப்பை வழங்குகிறது. அதாவது, நீங்கள் அதை வாங்க முன்பதிவு செய்தால், இந்த தொலைபேசியை இலவசமாகப் பெறலாம். இதற்கான வாய்ப்பை பெற, ரூ.2,000 -க்கு முன்பதிவு செய்ய வேண்டும். ப்ரீ ஆர்டர் ஜூன் 29 மதியம் 12 மணி முதல் தொடங்குகிறது. இது ஆன்லைன் ஷாப்பிங் தளமான பிளிப்கார்ட்டில் விற்பனைக்கு வரும். இந்த போனில் என்னென்ன சலுகைகள் கிடைக்கும் என்பது பற்றி இந்த பதிவில் காணலாம்.
Nothing Phone (2): ப்ரீ ஆர்டர் விவரங்கள்
இ-காமர்ஸ் தளமான பிளிப்கார்ட்டில் Nothing Phone (2) பட்டியலிடப்பட்டுள்ளது. இந்த போன் ஜூன் 29 மதியம் 12 மணி முதல் ப்ரீ-ஆர்டர் செய்ய கிடைக்கும். ப்ரீ-ஆர்டர் செய்ய நிறுவனத்தின் தரப்பிலிருந்து சிறந்த சலுகைகளும் வழங்கப்படுகின்றன. இந்த தொலைபேசியை ப்ரீ-ஆர்டர் செய்தால், நிறுவனம் வயர்லெஸ் இயர்பட்ஸ் இயர் (ஸ்டிக்) மீது 50% வரை தள்ளுபடி வழங்குகிறது. இதனுடன், வாடிக்கையாளர்களுக்கு இன்ஸ்டன்ட் பேங்க் கேஷ்பேக் ஆஃபருடன் எம்ஆர்பி-யில் தள்ளுபடியும் வழங்கப்படும்.
Nothing Phone (2): இந்த போனை எப்படி ப்ரீ ஆர்டர் செய்வது?
Nothing Phone (2) போனை ப்ரீ ஆர்டர் செய்ய வாடிக்கையாளர்கள் ரூ. 2,000 டெபாசிட் செய்ய வேண்டும். ஒரு வேளை நீங்கள் இந்த போனை வாங்கவில்லை என்றால், இந்தத் தொகை முழுமையாகத் திரும்ப அளிக்கப்படும். மறுபுறம், நீங்கள் தொலைபேசியை வாங்கினால், எம்ஆர்பி விலையிலிருந்து ரூ.2,000 குறைக்கப்படும். அதாவது போன் ரூ.2,000 மலிவாக கிடைக்கும். மொபைலை முன்பதிவு செய்ய, ஜூன் 29 அன்று இரவு 11:50 மணிக்கு பிளிப்கார்ட்டில் லாக் இன் செய்து உங்களுக்கு விருப்பமான வேரியண்டைத் தேர்ந்தெடுக்க வேண்டும். ஃபோனின் விற்பனை தொடங்கிய பிறகு, மீதமுள்ள தொகையை செலுத்தி பயனர்கள் ப்ரீ-ஆர்டர் சலுகைகளைப் பயன்படுத்திக் கொள்ள முடியும்.
மேலும் படிக்க | 2023 இறுதியில் அறிமுகம் ஆகிறது OnePlus 12: கசிந்த விவரங்கள் இதோ
Nothing Phone (2): இதில் உள்ள அம்சங்கள் என்ன?
இந்த போனை பற்றி வெளியான கசிவுகளின் படி, மென்மையான செயல்பாட்டிற்கு ஸ்னாப்டிராகன் 8+ ஜெனரல் 1 செயலி தொலைபேசியில் இருக்கக்கூடும். மேலும் இதில் 256ஜிபி இன்டெர்னல் ஸ்டோரேஜ் கொடுக்கப்பட்டு இருக்கலாம். சாதனம் 6.7 இன்ச் டிஸ்ப்ளே மற்றும் 120 ஹெர்ட்ஸ் புதுப்பிப்பு வீதத்தைப் பெறக்கூடும். இது சிறந்த பார்வை அனுபவத்தை (வியூயிங் எக்ஸ்பீரியன்ஸ்) வழங்கும். மேலும், வேகமான சார்ஜிங் ஆதரவுக்காக 33W இதில் வழங்கப்படக்கூடும். இதில் 4,700mAh பேட்டரி கிடைக்கும் வாய்ப்பு உள்ளது. அதேசமயம் இது ஆண்ட்ராய்டு 13ல் இயங்கும்.
Nothing Phone (2): விலை பற்றிய கணிப்பு என்ன?
இந்தியாவில் Nothing Phone (2) ஸ்மார்ட்போனை நிறுவனம் சுமார் ரூ. 40,000 என்ற விலையில் வெளியிடக்கூடும். இது பிளிப்கார்ட் மூலம் விற்பனை செய்யப்படும். இந்த 5ஜி போனின் டீசர் ஏற்கனவே இ-காமர்ஸ் தளத்தில் உள்ளது. அதே விலை வரம்பில், தொலைபேசி (2) OnePlus 11R மற்றும் Pixel 7a போன்ற ஸ்மார்ட்போன்களுடன் போட்டியிடும். Nothing Phone (1) இந்தியாவில் ரூ.32,999 விலையில் கிடைத்தது குறிப்பிடத்தக்கது.
மேலும் படிக்க | Amazon Sale 2023: 1.5 டன் ஏசிக்கு 48 சதவீதம் சலுகை! உடனே முந்துங்கள்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ