உத்தரகாண்ட் எல்லையில் சீனாவின் சதி.. தீவிரமாக கண்காணிக்கும் ராணுவம்!

உத்தரகாண்ட் எல்லையில் சீனாவின் சதி: நாட்டை எல்லையை விரிவுபடுத்தும் பேராசை மிக்க சீன அதிபர் ஜி ஜின்பிங்கின் மற்றொரு சதி செயல் அரங்கேறியுள்ளது. கிழக்கு லடாக்கில் இந்தியாவுடனான மோதல் மற்றும் தொடர்ச்சியான ஊடுருவல் முயற்சிகள் தோல்வியடைந்த பிறகு, சீன இராணுவம் அதாவது மக்கள் விடுதலை இராணுவம் (பிஎல்ஏ) இப்போது இந்திய எல்லைக்கு அருகில் தனது கால்களை பரப்ப முயற்சிக்கிறது. உத்தரகாண்ட் மாநிலத்தை ஒட்டியுள்ள இந்தியா-சீனா எல்லை அருகே சீனாவின் புதிய சதித்திட்டம் ஒன்று வெளியாகியுள்ளது.

சீனாவின் கிராம சதி

உளவுத்துறை வட்டாரங்களில் இருந்து கிடைத்த தகவலின்படி, உத்தரகாண்ட் அருகே தனது பகுதியில் எல்லை பாதுகாப்பு கிராமத்தை சீனா கட்டிவருகிறது. எல்ஏசியில் இருந்து சுமார் 11 கிலோமீட்டர் தொலைவில் சீனா தனது கட்டுமானத்தை தொடங்கியுள்ளது. எல்லை பாதுகாப்பு கிராமத்தில் 250 வீடுகள் கட்டப்பட்டு வருவதாக செய்திகள் வெளியாகியுள்ளன. இந்த வீடுகளில் தேவையான அனைத்து வசதிகளும் செய்யப்பட்டுள்ளன.  சீனாவின் இந்த கட்டுமானத் திட்டத்தின் பின்னால் சில தந்திரங்கள் மறைந்திருப்பது தெளிவாக தெரிகிறது ஏனெனில் சீன இராணுவம், தொடர்ந்து LAC பகுதியில் சதி திட்டங்களை அரங்கேற்றி வருகிறது. எல்லைக்கு அருகில் சில நாட்கள் இடைவெளியில் PLA என்னும் சீன ராணுவம் மூலம் கண்டிப்பாக சில நடவடிக்கைகள் எடுக்கப்படும். சில நாட்களுக்கு முன்பு, உத்தரகாண்ட் எல்லையில் இருந்து சுமார் 35 கிலோமீட்டர் தொலைவில், சீனப் பகுதியில் 50க்கும் மேற்பட்ட வீடுகள் கட்டப்படுவது குறித்த தகவல் வெளியாகியுள்ளது.

700 கிராமங்கள் அல்லது இராணுவ தளங்கள்?

ஆதாரங்களை மேற்கோள்காட்டி, சீனா இந்தியாவை ஒட்டிய எல்ஏசிக்கு அருகில் சுமார் 700 கிராமங்களை கட்டி வருவதாகவும், அதில் 400 கிராமங்கள் கிழக்கு பகுதியில் மட்டும் கட்டப்பட்டு வருவதாகவும் தெரிவிக்கப்பட்டுள்ளது. இந்த கிராமங்கள் அனைத்தும் சீன ராணுவத்தின் கண்காணிப்பில் உள்ளன. இவைகளை கிராமங்கள் என்று கூறினாலும், நிஜத்தில் அவை பெரிய வளாகங்கள், இவை அனைத்து வசதிகளையும் கொண்டவை, இவற்றைத் உருவாக்குவதற்குப் பின்னால் உள்ள சீனாவின் நோக்கமே இந்திய எல்லையைக் கண்காணிக்க வேண்டும் என்பதே.

நிலம் மற்றும் வான் பரப்பின் மீது கண்

இதுமட்டுமின்றி உத்தரகாண்ட் அருகே உள்ள தனது பகுதிகளை விமான போக்குவரத்து மூலம் இணைக்க சீனா தொடர்ந்து முயற்சித்து வருகிறது. உத்தரகாண்ட் மாநிலத்தில் உள்ள நிடி கணவாய்க்கு எதிரே உள்ள தனது பகுதியில் சீன ராணுவம் முகாமை தயார் செய்து வருகிறது. ராணுவ வட்டாரங்களில் இருந்து கிடைத்த தகவலின்படி, நிடி பாஸில் சாலையுடன் சீன ராணுவம் ஹெலிபேட் அமைத்து வருகிறது. இந்தப் பகுதி உத்தரகண்ட் மற்றும் இமாச்சலப் பிரதேசத்தின் எல்லையான எல்ஏசிக்கு அருகில் உள்ளது. ராணுவ உள்கட்டமைப்பு மற்றும் இணைப்பை அதிகரிக்க சீனா செயல்படும் இடம். நிடி பாஸ் அருகே சாரங் மற்றும் போலிங் ஜிந்த் ஆகிய இடங்களில் சீன தரப்பில் ஹெலிபேடுகள் தயாராகி வருகின்றன. 1962 சீன-இந்தியப் போருக்குப் பிறகு நிதி பாஸ் பகுதி மூடப்பட்டுள்ளது.

சீனாவின் புதிய சூழ்ச்சி

இமயமலை வழியாக உத்தரகாண்ட் மற்றும் திபெத்தை இணைக்கும் முக்கிய பாதை நிடி பாஸ். 1962-ம் ஆண்டு சீனாவுக்கும் இந்தியாவுக்கும் இடையே நடந்த போருக்கு முன்பு வர்த்தகத்திற்கு பயன்படுத்தப்பட்டது. ஆனால் யுத்தத்தின் பின்னர் இந்த வீதி மூடப்பட்டு நீண்டகாலமாக அமைதி நிலவுகிறது. ஆனால் இந்த அமைதியை சீனாவால் சகித்துக் கொள்ளவில்லை என்பது சீனாவின் தற்போதைய நடவடிக்கைகளில் இருந்து தெரிகிறது. நாகத்தின் தீய மனதில் ஒரு புதிய சதி உருவாகிறது. அதனால்தான் எல்லையை ஒட்டிய வடக்கு மற்றும் கிழக்குப் பகுதிகளுக்குப் பிறகு, இப்போது எல்லை கட்டுப்பட்டு பகுதியை சேர்ந்த அந்தப் பகுதிகளுக்குள் நுழைய முயல்கிறது சீன ராணுவம். நீண்ட நாட்களாக எந்த அசைவும் இல்லை. இருப்பினும், சீனாவின் இந்த கோமாளித்தனங்கள் மற்றும் தந்திரங்களை இந்திய ராணுவம் தொடர்ந்து கண்காணித்து வருகிறது.

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ