மறைந்திருந்த பைபிள் அத்தியாயம் கண்டுபிடிக்கப்பட்டது! நீண்ட காலமாக தேடப்பட்டு வந்த திருவிவிலியத்தின் பகுதி UV ஒளி ஆய்வு மூலம் ண்டுபிடிக்கப்பட்டது. இந்த கண்டுபிடிப்புகள் நற்செய்திகளின் உரை பரிமாற்றத்தின் வரலாற்றின் ஆரம்ப கட்டத்திற்கு ஒரு "தனித்துவமான நுழைவாயிலை" வழங்குகிறது, ஏனெனில் இது பழைய சிரியாக் பதிப்பிற்கு சான்றளிக்கும் நான்காவது கையெழுத்துப் பிரதியின் ஒரே ஒரு பகுதி என்பது குறிப்பிடத்தக்கதூ.


COMMERCIAL BREAK
SCROLL TO CONTINUE READING

கிட்டத்தட்ட 1,500 ஆண்டுகளுக்குப் பிறகு, ஆராய்ச்சியாளர்கள் "மறைக்கப்பட்ட அத்தியாயத்தை" கண்டுபிடித்துள்ளனர். நியூ டெஸ்டமென்ட் ஸ்டடீஸ் என்ற இதழில் வெளியிடப்பட்ட ஒரு புதிய ஆய்வின்படி, இழந்த பகுதி, நற்செய்திகளின் பழமையான மொழிபெயர்ப்புகளில் ஒன்றாகும்.


ஆஸ்திரிய அகாடமி ஆஃப் சயின்ஸைச் சேர்ந்த கிரிகோரி கெசெல் உள்ளிட்ட ஆராய்ச்சியாளர்கள், உரையின் மூன்று அடுக்குகளுக்கு அடியில் புதைந்துள்ள அத்தியாயத்தைக் கண்டறிய புற ஊதா ஒளிப்படத்தைப் பயன்படுத்தினர்.
 
"சமீப காலம் வரை, இரண்டு கையெழுத்துப் பிரதிகளில் மட்டுமே நற்செய்திகளின் பழைய சிரியாக் மொழிபெயர்ப்பு இருப்பதாக அறியப்பட்டது" என்று டாக்டர் கெசெல் கூறினார்.


இவற்றில் ஒன்று, லண்டனில் உள்ள பிரிட்டிஷ் நூலகத்தில் உள்ளது, மற்றொன்று சினாய் மலையில் உள்ள செயின்ட் கேத்தரின் மடாலயத்தில் உள்ளது என்று இன்டிபென்டன்ட் பத்திரிக்கை செய்தி வெளியிட்டுள்ளது.


ஆராய்ச்சியாளர்களின் கூற்றுப்படி, புதிதாக கண்டுபிடிக்கப்பட்ட உரை, மத்தேயு அத்தியாயம் 12 இன் விளக்கமாகும், இது ஆரம்பத்தில் சுமார் 1,500 ஆண்டுகளுக்கு முன்பு பழைய சிரியாக் மொழிபெயர்ப்புகளின் ஒரு பகுதியாக மொழிபெயர்க்கப்பட்டது.
 
இந்த கண்டுபிடிப்புகள், பழைய சிரியாக் பதிப்பிற்கு சான்றளிக்கும் நான்காவது கையெழுத்துப் பிரதியின் ஒரே ஒரு பகுதி என்பதால், நற்செய்திகளின் உரை பரிமாற்ற வரலாற்றின் ஆரம்ப கட்டம் தொடர்பான பல விஷயங்களை தெரிந்துக் கொள்ள உதவும் என்று ஆய்வாளர்கள் கருதுகின்ரனர்.  


கூடுதலாக, ஒரே உரையின் மொழிபெயர்ப்புகள் எவ்வாறு வேறுபடலாம் என்பதற்கான புதிய முன்னோக்குகளை உரை வழங்குகிறது.


உதாரணமாக, மத்தேயுவின் அசல் கிரேக்கம் அத்தியாயம் 12 வசனம் 1 கூறும்போது, “அந்த நேரத்தில் இயேசு ஓய்வுநாளில் தானிய வயல்கள் வழியாகச் சென்றார்; அப்போது பசியில் இருந்த ஏசுவின் சீடர்கள், தானியங்களைப் பறித்து உண்ணத் தொடங்கினர்," என்று சிரியாக் மொழிபெயர்ப்பு கூறுகிறது".


"நற்செய்தி புத்தகத்தின் தேதியைப் பொருத்தவரை, அது ஆறாம் நூற்றாண்டிற்குப் பிற்பகுதியில் தயாரிக்கப்பட்டது என்பதில் சந்தேகமில்லை" என்று விஞ்ஞானிகள் ஆய்வில் எழுதினர்.


"இந்த காலகட்டத்தில் குறிப்பிட்ட எண்ணிக்கையிலான தேதியிடப்பட்ட கையெழுத்துப் பிரதிகள் இருந்தபோதிலும், தேதியிட்ட சிரியாக் கையெழுத்துப் பிரதிகளுடன் ஒப்பிடுவது ஆறாம் நூற்றாண்டின் முதல் பாதியில் சாத்தியமான கால அளவைக் குறைக்க அனுமதிக்கிறது," என்று அவர்கள் மேலும் கூறினார்.


1,300 ஆண்டுகளுக்கு முன்பு அந்தப் பகுதியில் காகிதம் இல்லாததால், முந்தைய பைபிள் உரையை நீக்கி பக்கங்கள் அடிக்கடி மீண்டும் மீண்டும் பயன்படுத்தப்பட்டன என்பது குறிப்பிடத்தக்கது.


"இந்த கண்டுபிடிப்பு, இடைக்கால கையெழுத்துப் பிரதிகளைக் கையாளும் போது, நவீன டிஜிட்டல் தொழில்நுட்பங்களுக்கும் அடிப்படை ஆராய்ச்சிக்கும் இடையேயான தொடர்பு எவ்வளவு பயனுள்ளதாக இருக்கும் என்பதை நிரூபிக்கிறது" என்று ஆஸ்திரிய அகாடமி ஆஃப் சயின்ஸின் இடைக்கால ஆராய்ச்சி நிறுவனத்தின் இயக்குனர் கிளாடியா ராப் கூறினார்.


மேலும் படிக்க | IMF On Economy Growth: அதிர்ச்சி தரும் ஐ.எம்.எஃப் பொருளாதார கணிப்பு! உலகளாவிய வளர்ச்சி குறையும்


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ