ಉಪ್ಪಿ 'UI' ಚಿತ್ರದ ಐಟಂ ಸಾಂಗ್‌ನಲ್ಲಿ ನಿಧಿ ಅಥವಾ ಸನ್ನಿ? ನಿರ್ಮಾಪಕರು ಏನಂದ್ರು..?

UI Film Special Film : ರಿಯಲ್‌ ಸ್ಟಾರ್‌ ಉಪೇಂದ್ರ ತಾವೇ ನಿರ್ದೇಶಿಸಿ ನಟಿಸುತ್ತಿರುವ UI ಸಿನಿಮಾ ಮೇಕಿಂಗ್‌ ಹಂತದಲ್ಲೇ ಸಖತ್‌ ಸೌಂಡ್‌ ಮಾಡುತ್ತಿದೆ. ಈ ಚಿತ್ರದಲ್ಲಿ ಸ್ಪೇಷಲ್‌ ಸಾಂಗ್‌ ಇರಲಿದ್ದು, ಹಾಡಿಗೆ ಸನ್ನಿ ಲಿಯೋನ್‌ ಅಥವಾ ನಿಧಿ ಸುಬ್ಬಯ್ಯ ಸೊಂಟ ಬಳುಕಿಸಲಿದ್ದಾರೆ ಎನ್ನಲಾಗುತ್ತಿದೆ. ಈ ಕುರಿತು ಮಾಹಿತಿ ಇಲ್ಲಿದೆ.

UI Film : ರಿಯಲ್‌ ಸ್ಟಾರ್‌ ಉಪೇಂದ್ರ ಅವರು ಬಹಳ ದಿನಗಳ ನಂತರ ಡೈರೆಕ್ಟರ್‌ ಕ್ಯಾಪ್‌ ತೊಟ್ಟಿದ್ದಾರೆ. ಇದು ಸಹಜವಾಗಿಯೇ ಅಭಿಮಾನಿಗಳಲ್ಲಿ ಕುತೂಹಲ ಹೆಚ್ಚಿಸಿದೆ. ಸದ್ಯ ಚಿತ್ರದ ಶೂಟಿಂಗ್‌ ಮುಗಿದಿದ್ದು, ಪೋಸ್ಟ್‌ ಪ್ರೊಡಕ್ಷನ್‌ ಹಾಗೂ ಗ್ರಾಫಿಕ್ಸ್‌ ವರ್ಕ್‌ ನಡೆಯುತ್ತಿದೆ. 

ನಾಯಕ ನಟನಾಗಿ ಕಾಣಿಸಿಕೊಂಡ ಉಪ್ಪಿ ನಿರ್ದೇಶನಕ್ಕೆ ಹೆಚ್ಚಾಗಿ ಗಮನ ಕೊಟ್ಟಿರಲಿಲ್ಲ. ಉಪ್ಪಿ 2 ನಂತರ UI ಸಿನಿಮಾ ಪ್ರಾಜೆಕ್ಟ್‌ನ್ನು ಕೈಗೆತ್ತಿಕೊಂಡಿದ್ದು, ಟೈಟಲ್‌ನಿಂದಲೇ ಸಾಕಷ್ಟು ಕುತೂಹಲ ಕೆರಳಿಸಿದ್ದಾರೆ. ಸಿನಿಮಾ ರಿಲೀಸ್‌ ಆಗೋವರೆಗೂ ಚಿತ್ರ ಕ್ಯೂರಿಯಾಸಿಟಿ ಹೆಚ್ಚಿಸೋದಂತೂ ಖಚಿತ. 

ಸದ್ಯ ಚಿತ್ರದಲ್ಲಿನ ಸ್ಪೇಷಲ್‌ ಸಾಂಗ್‌ ಬಗ್ಗೆ ಚರ್ಚೆ ನಡೆಯುತ್ತಿದ್ದು, ಅಜನೀಶ್ ಲೋಕನಾಥ್ ಸ್ಪೆಷಲ್ ಟ್ಯೂನ್ ನೀಡುತ್ತಿದ್ದಾರೆ. ಇನ್ನು ಈ ಸಾಂಗ್‌ ಶೂಟಿಂಗ್‌ ಅಕ್ಟೋಬರ್‌ನಲ್ಲಿ ನಡೆಯಲಿದ್ದು, ಈ ಹಾಡಿನಲ್ಲಿ ರಿಯಲ್ ಸ್ಟಾರ್ ಪಕ್ಕ ಭರ್ಜರಿಯಾಗಿ ಕುಣಿಯೋದು ಯಾರು? ಎನ್ನುವ ಕೂತುಹಲ ಮೂಡಿದೆ.

ಇದನ್ನೂ ಓದಿ-ಅನುಷ್ಕಾ ಅಲ್ಲ…“ನಾನು ಆ ನಟಿಯನ್ನ ಅನೇಕ ವರ್ಷಗಳಿಂದ ಲವ್ ಮಾಡ್ತಿದ್ದೇನೆ”: ಪ್ರಭಾಸ್ ಹೇಳಿದ್ದು ಯಾರ ಬಗ್ಗೆ?

ಇನ್ನು ಸೋಷಿಯಲ್‌ ಮಿಡಿಯಾದಲ್ಲಿ ಈ ಬಗ್ಗೆ ಬಿಸಿ ಬಿಸಿ ಚರ್ಚೆಯಾಗುತ್ತಿದ್ದು, ಬಾಲಿವುಡ್ ಬ್ಯೂಟಿ ಸನ್ನಿ ಲಿಯೋನ್ ಅಥವಾ ನಿಧಿ ಸುಬ್ಬಯ್ಯ ಚಿತ್ರದಲ್ಲಿ ಹೆಜ್ಜೆ ಹಾಕುತ್ತಾರೆ ಎನ್ನಲಾಗುತ್ತಿದೆ. ಆದರೆ ಈ ಬಗ್ಗೆ ಚಿತ್ರತಂಡ ಯಾವುದೇ ಅಧಿಕೃತ ಮಾಹಿತಿ ನೀಡಿಲ್ಲ. 

'UI' ಚಿತ್ರದ ಸ್ಪೆಷಲ್ ಸಾಂಗ್ ಬಗ್ಗೆ ನಿರ್ಮಾಪಕರಾದ ಕೆ. ಪಿ ಶ್ರೀಕಾಂತ್ ಮಾತನಾಡಿದ್ದು, "ಚಿತ್ರದಲ್ಲಿ ಸ್ಪೇಷಲ್‌ ಸಾಂಗ್‌ ಇರಲಿದೆ. ಇನ್ನು ಟ್ಯೂನ್‌ ರೆಡಿಯಾಗುತ್ತಿದೆ. ಟ್ಯೂನ್ ಸಿಕ್ಕಿದ ಮೇಲೆ ಯಾರು ಹೆಜ್ಜೆ ಹಾಕಬೇಕು ಎನ್ನುವ ಬಗ್ಗೆ ಉಪೇಂದ್ರ ಅವರೇ ನಿರ್ಧಾರ ಮಾಡುತ್ತಾರೆ. ಸನ್ನಿ ಲಿಯೋನ್‌ ಹಾಗೂ ನಿಧಿ ಸುಬ್ಬಯ್ಯ ಈಗಾಗಲೇ ಸ್ಪೇಷಲ್‌ ಸಾಂಗ್‌ಗೆ ಹೆಜ್ಜೆ ಹಾಕಿದ್ದಾರೆ. ಹಾಗಾಗಿ ಬೇರೆಯವರು ಆ ಸಾಂಗ್‌ನಲ್ಲಿ ಇರುವ ಸಾಧ್ಯತೆಯಿದೆ" ಎಂದಿದ್ದಾರೆ.