ಗುಜರಾತ್ ಚುನಾವಣೆ: ಅಹಮದಾಬಾದ್ ಗೆದ್ದ ಪಕ್ಷವು ಗುಜರಾತ್ ಸಿಂಹಾಸನವನ್ನು ವಶಪಡಿಸಿಕೊಂಡಿದೆ

ಕಳೆದ 57 ವರ್ಷಗಳಲ್ಲಿ ಅಹಮದಾಬಾದ್ನಲ್ಲಿ ಹೆಚ್ಚಿನ ಸ್ಥಾನಗಳನ್ನು ಗೆದ್ದ ಪಕ್ಷವು ರಾಜ್ಯದ ಅಧಿಕಾರದ ಚುಕ್ಕಾಣಿ ಹಿಡಿದಿದೆ.

ನವ ದೆಹಲಿ: ಗುಜರಾತ್ ವಿಧಾನಸಭಾ ಚುನಾವಣೆ ಫಲಿತಾಂಶವು ಯಾವ ಭಾಗದಲ್ಲಿಯೂ ಐತಿಹಾಸಿಕವಾಗಿ ಇರುತ್ತದೆ. ಅದು ಬಿಜೆಪಿ ಅಥವಾ ಕಾಂಗ್ರೆಸ್ ಆಗಿರಬಹುದು. ಒಂದು ವೇಳೆ ಬಿಜೆಪಿ ಗೆಲುವು ಸಾಧಿಸಿದರೆ, ಪಶ್ಚಿಮ ಬಂಗಾಳದ ಕಮ್ಯೂನಿಸ್ಟ್ ಪಕ್ಷದ ನಂತರ ದೇಶದಲ್ಲಿ ದೀರ್ಘಕಾಲದವರೆಗೂ ಆಡಳಿತ ನಡೆಸಿದ ಎರಡನೇ ಪಕ್ಷದ ಇದಾಗುತ್ತದೆ. ಫಲಿತಾಂಶಗಳು ಕಾಂಗ್ರೆಸ್ ಪರವಾಗಿ ಬಂದರೆ, ಅದು ದೇಶದಲ್ಲಿ ರಾಜಕೀಯದ ಗಾಳಿಯಲ್ಲಿ ಬದಲಾವಣೆಯನ್ನು ಸೂಚಿಸುತ್ತದೆ ಮತ್ತು ಮುಂಬರುವ ಲೋಕಸಭಾ ಚುನಾವಣೆಯಲ್ಲಿ ಬಿಜೆಪಿಯ ಗೆಲುವು ಸುಲಭವಾಗುವುದಿಲ್ಲ. ಅಂತಹ ಒಂದು ಸನ್ನಿವೇಶದಲ್ಲಿ, ಪ್ರತಿಯೊಬ್ಬರ ಕಣ್ಣುಗಳು ಗುಜರಾತ್ನ ಫಲಿತಾಂಶದ ಮೇಲಿವೆ.

ಆದರೆ ಗುಜರಾತ್ ಚುನಾವಣೆಯಲ್ಲಿ ಕಳೆದ 57 ವರ್ಷಗಳಿಂದ ಒಂದು ಸಂಪ್ರದಾಯವಿದೆ. ವಿಧಾನಸಭಾ ಚುನಾವಣೆಗಳಲ್ಲಿ, ಅಹಮದಾಬಾದ್ನಲ್ಲಿ ಯಾವ ಪಕ್ಷವು ಹೆಚ್ಚಿನ ಸ್ಥಾನಗಳನ್ನು ಪಡೆಯುತ್ತದೆಯೋ, ಆ ಪಕ್ಷವು ಗುಜರಾತ್ ಸಿಂಹಾಸನವನ್ನು ವಶಪಡಿಸಿಕೊಳ್ಳುತ್ತದೆ. ಗುಜರಾತ್ ರಾಜ್ಯವನ್ನು 1962 ರಲ್ಲಿ ಸ್ಥಾಪಿಸಲಾಯಿತು. ಅಂದಿನಿಂದ, ಈ ಸಂಪ್ರದಾಯವು ಉಳಿದಿದೆ.

ಮೇ 1, 1961 ರಂದು ಗುಜರಾತ್ ಸ್ಥಾಪನೆಯಾಯಿತು. 1962 ರಲ್ಲಿ ಮೊದಲ ಬಾರಿಗೆ ಶಾಸಕಾಂಗ ಚುನಾವಣೆಗಳು ನಡೆದವು. ಈ ಚುನಾವಣೆಯಲ್ಲಿ, ಅಹ್ಮದಾಬಾದ್ನಲ್ಲಿ ಕಾಂಗ್ರೆಸ್ 9 ಸ್ಥಾನಗಳಲ್ಲಿ 6 ಸ್ಥಾನಗಳನ್ನು ಗೆದ್ದಿತ್ತು. ಸರ್ಕಾರವು ಕಾಂಗ್ರೆಸ್ ಕೈ ಸೇರಿತು. 1985 ರ ಹೊತ್ತಿಗೆ, ಅಹಮದಾಬಾದ್ನಲ್ಲಿ ಕಾಂಗ್ರೆಸ್ ಅತಿ ಹೆಚ್ಚು ಸ್ಥಾನಗಳನ್ನು ಗೆದ್ದಿದ್ದರಿಂದ ರಾಜ್ಯದಲ್ಲಿ ಅಧಿಕಾರವೂ ಅವರೊಂದಿಗೆ ಉಳಿದುಕೊಂಡಿತು.

1990 ರಲ್ಲಿ ರಾಜಕೀಯ ಹವಾ ಬದಲಾವಣೆಯಾಯಿತು. ಅಹ್ಮದಾಬಾದ್ ನಲ್ಲಿ ಕಾಂಗ್ರೆಸ್ಗೆ ಕೇವಲ ಎರಡು ಸೀಟುಗಳು ಸಿಕ್ಕಿದ್ದವು. ಇದರೊಂದಿಗೆ, ರಾಜ್ಯದಿಂದ ಕಾಂಗ್ರೆಸ್ ಆಡಳಿತಕ್ಕೆ ವಿದಾಯ ಹೇಳಿತು. ಅಹಮದಾಬಾದ್ನಲ್ಲಿ ಅತಿ ಹೆಚ್ಚು ಸ್ಥಾನಗಳನ್ನು ಗೆದ್ದ ಬಿಜೆಪಿ, ಜನತಾ ದಳದ ಸಹಯೋಗದೊಂದಿಗೆ ಸರ್ಕಾರವನ್ನು ರೂಪಿಸಿತು. ಈ ಸರ್ಕಾರವು ಹೆಚ್ಚು ದಿನಗಳ ಕಾಲ ಉಳಿಯಲಿಲ್ಲ. 1995 ರಲ್ಲಿ ಮೊದಲ ಬಾರಿಗೆ ಬಿಜೆಪಿ ಸರ್ಕಾರ ರಚನೆಯಾಯಿತು. 1998 ರಿಂದ ರಾಜ್ಯದಲ್ಲಿ ಬಿಜೆಪಿ ಸರ್ಕಾರ ಮುಂದುವರೆದಿದೆ. 

ವರ್ಷ	ಬಿಜೆಪಿ	ಕಾಂಗ್ರೇಸ್	ಒಟ್ಟು	ಸರ್ಕಾರ
2012	14	02	16	ಬಿಜೆಪಿ
2007	11	03	14	ಬಿಜೆಪಿ
2002	12	02	14	ಬಿಜೆಪಿ
1998	11	03	14	ಬಿಜೆಪಿ
1995	13	00	14	ಬಿಜೆಪಿ
1990	10	02	14	ಬಿಜೆಪಿ + ಜನತಾ ದಳ
1985	01	12	14	ಕಾಂಗ್ರೇಸ್